موبائل فونز کی درآمدات میں 8 ماہ کے دوران نمایاں اضافہ

اسلام آباد: موبائل فونز کی درآمدات میں جاری مالی سال کے پہلے 8 ماہ میں سالانہ بنیادوں پرنمایاں اضافہ ریکارڈ کیا گیا ہے۔

پاکستان بیوروبرائے شماریات کی جانب سے اس حوالہ سے جاری کردہ اعدادو شمار کے مطابق جولائی سے لیکر فروری 2024 تک کی مدت میں موبائل فونز کی درآمدات پر1.148 ارب ڈالرکازرمبادلہ صرف ہوا جو گزشتہ مالی سال کی اسی مدت کے مقابلہ میں 156 فیصدزیادہ ہے، گزشتہ مالی سال کی اسی مدت میں موبائل فونز کی درآمدات پر448 ملین ڈالرکازرمبادلہ صرف ہواتھا،

فروری میں موبائل فونز کی درآمدات پر161 ملین ڈالر کا زرمبادلہ صرف ہوا جو گزشتہ سال فروری کے مقابلہ میں 387 فیصد زیادہ ہے، گزشتہ سال فروری میں موبائل فونز کی درآمدات پر 33 ملین ڈالر کا زرمبادلہ خرچ ہوا تھا، جنوری کے مقابلہ میں فروری میں موبائل فونز کی درآمدات پرماہانہ بنیادوں پر8 فیصد کی کمی ہوئی ہے، جنوری میں موبائل فونز کی درآمدات پر195 ملین ڈالرخرچ ہوئے تھے۔