اسحا ق ڈار کل جوہری توانائی سمٹ میں شرکت کے لئے آج برسلز روانہ

وزیرخارجہ محمدا سحق ڈار کل (بدھ) ہونے والی پہلی جوہری توانائی سمٹ میں شرکت کے لئے آج برسلز روانہ ہورہے ہیں۔

سمٹ کے مواقع پر وزیر خارجہ شریک ملکوں کے رہنمائوں اور وزرائے خارجہ سے دوطرفہ ملاقاتیں کریں گے۔

دفتر خارجہ نے ایک بیان میں کہا کہ اس سمٹ میں وزیر خارجہ کی شرکت جوہری توانائی کے بین الاقوامی ادارے کیساتھ پاکستان کی شراکت داری کو مزید مضبوط بنانے اور جوہری توانائی کے پرامن استعمال کے حوالے سے یکساں موقف تشکیل دینے میں معاون ہوگی۔