پاکستان کی تعمیر کے لیے تحریک پاکستان کے جذبے کی ضرورت ہے، مریم

لاہور: وزیراعلیٰ پنجاب مریم نواز نے ہفتہ کو کہا کہ پاکستان کی تعمیر کے لیے تحریک پاکستان کے جذبے کی ضرورت ہے۔

وزیر اعلیٰ پنجاب مریم نواز نے یوم پاکستان پر اپنے پیغام میں کہا ہے کہ قوم مسلم لیگ کے قائدین کو خراج عقیدت پیش کرتی ہے جنہوں نے قرارداد پاکستان پاس کی۔

مریم نواز نے مزید کہا کہ 'آج قرارداد پاکستان کی طرح پاکستان کی ترقی کی قرارداد وقت کی اہم ضرورت ہے، نوجوانوں کو استحکام اور ترقی کے لیے کام، کام اور کام کی قرارداد کو اپنانا ہو گا'۔

وزیراعلیٰ پنجاب نے اپنے پیغام میں مزید کہا ہے کہ اللہ تعالیٰ ہمیں بانیان پاکستان کے نقش قدم پر چلنے کی توفیق عطا فرمائے۔