ایک سال میں تیسری بار عوام پر گیس بم گرانے کی تیاریاں

سوئی نادرن گیس کمپنی نے ایک مرتبہ پھر اوگرا میں گیس کی قیمتوں میں اضافے کی درخواست دائر کر دی۔

تفصیلات کےمطابق درخواست میں گیس کی قیمت 4 ہزار 449 روپے فی ایم ایم بی ٹی یو کرنے کی درخواست کی گئی ہے، منظوری کی صورت میں صارفین کیلئے گیس 155فیصد مہنگی ہوگی۔سوئی نادرن کی درخواست پر سماعت کل ہو گی۔

اس سے قبل ایک سال میں 600 فیصد تک گیس مہنگی کی گئی۔ آئی ایم ایف نے بھی یکم جولائی سے گیس مہنگی کرنے کا مطالبہ کر کر رکھا ہے۔

اوگرا کے مطابق آئندہ سال کیلئے 180ارب کے ریونیو شارٹ فال کا تخمینہ لگایا گیا، کمپنی نے ایل این جی چارجز کا تخمینہ 325روپے فی ایم ایم بی ٹی یو لگایا۔واضح رہے کہ اس سے پہلے گیس کی قمیت میں ایک سال میں 2 مرتبہ اضافہ کیا جاچکا ہے۔

گیس کی قمیت ایک مرتبہ 200 اور دوسری بار 35فیصد تک بڑھائی جاچکی ہے۔