اسلام آباد میں پاکستان کے سب سے بڑے انفارمیشن ٹیکنالوجی پارک کی منظوری

اسلام آباد : خصوصی سرمایہ کاری سہولت کونسل کے زیر اہتمام اسلام آباد میں پاکستان کے سب سے بڑے انفارمیشن ٹیکنالوجی پارک کے قیام کی منظوری دی گئی ہے۔

آئی ٹی پارک وفاقی دارالحکومت کے جی ٹین سیکٹر میں تین ایکڑ سے زائد رقبے پر قائم کیا جائے گا ، یہ پارک ٹیکنالوجی کے پس منظر اہم سنگ میل ہے جس سے جدت اور ترقی کے شاندار مواقع فراہم ہوں گے۔

یہ آئی ٹی پارک سرکاری و نجی شراکت داری کے تحت قائم کیا جائے گا جس میں تقریباً چھ ہزار فری لانسر کو جدید سہولتیں فراہم کی جائیں گی۔

آئی ٹی پارک منصوبے کی کامیابی کیلئے پاکستان سافٹ ویئر ایکسپورٹ بورڈ اور وزارت انفار میشن ٹیکنالوجی اینڈ ٹیلی کمیونیکیشن کے درمیان مذاکرات بھی جاری ہیں۔

یاد رہے کہ اس منصوبے کا مقصد آئی ٹی صنعت میں تخلیق و اتعاون کی حوصلہ افزائی فراہم کرنے کیلئے ماحول فراہم کرنا ہے۔