محسن نقوی کی ہندو برادری کو ہولی کی مبارکباد

وفاقی وزیر داخلہ محسن نقوی نے ہندو کمیونٹی کو ہولی کے تہوار کی مبارکباد دی ہے ، وفاقی وزیر داخلہ نے اپنے تہنیتی پیغام میں کہا ہے کہ پاکستان میں بسنے والی ہندو برادری کو ہولی کی خوشیاں مبارک ہوں۔ہولی رنگوں کاتہوار ہے اور رنگ ہمیشہ پیار محبت والے ہی پائیدار ہوتے ہیں۔ہولی کا تہوار دلوں کو جوڑنے کاایک شاندار موقع ہے۔

وفاقی وزیر داخلہ محسن نقوی نے کہا کہ محبت اور ہم آہنگی پھیلائیں کیونکہ آج معاشرہ نفرتوں اور کدورتوں کا شکار ہے۔ آپس کی تلخیوں کو پس پشت ڈال کر اس رنگا رنگ تہوار کی خوشیوں میں شامل ہونا چاہیے۔

انہوں نے کہا کہ ہولی کا تہوار بھائی چارے اور خیر سگالی کے جذبات کو فروغ دیتا ہے۔وفاقی وزیر داخلہ محسن نقوی نے کہا کہ خوشیوں کے تہوار مل کر منانے سے محبت اور باہمی تعلقات کو فروغ ملتا ہے۔ ہندوبرادری سمیت تمام اقلیتیں پاکستان کے برابر کے شہری ہیں۔