اسرائیل اپنی ہٹ دھرمی پر قائم، فلسطینیوں کے خلاف جارحیت روکنے سے انکار

اسرائیل نے فلسطینیوں کے خلاف اپنی جارحیت روکنے سے انکار کرتے ہوئے حماس کے خلاف مزید کارروائی کا اعلان کیا ہے۔

غیر ملکی میڈیا رپورٹس کے مطابق اسرائیلی وزیردفاع نے فلسطینیوں کے خلاف جارحیت روکنے سے انکار کرتے ہوئے کہا کہ وہ امریکا کو بتائیں گے کہ اسرائیل حماس کے خلاف ہر جگہ کارروائی کرے گا۔

اسرائیل کے وزیر دفاع نے کہا کہ اسرائیلی یرغمالیوں کی واپسی تک غزہ میں جنگ جاری رہے گی۔

دوسری جانب فلسطینیوں کو قتل کرنے والے اسرائیلیوں کی تعداد میں کمی آئی ہے، اس لیے اسرائیلی وزیراعظم متنازع فوجی بھرتی بل پارلیمنٹ میں پیش کرنے کے خواہشمند ہیں۔

خیال رہے کہ 7 اکتوبر 2023 سے اسرائیل مقبوضہ فلسطینی علاقے غزہ پر حملے کر رہا ہے اور اسرائیلی حملوں میں اب تک 32 ہزار سے زائد فلسطینی شہید ہو چکے ہیں۔