پنجاب اسمبلی میں 617 ارب روپے سے زائد کا ضمنی بجٹ منظور

 پنجاب اسمبلی نے 617 ارب روپے سے زائد کا ضمنی بجٹ منظور کر لیا۔

روزنامہ جنگ کے مطابق ضمنی بجٹ پنجاب اسمبلی میں پیش کرنے کے بعد منظوری کا عمل شروع کیا گیا تو اپوزیشن کی طرف سے بہت شور شرابا کیا گیا۔

بتایا گیا ہے کہ ضمنی بجٹ سے متعلق تمام مطالبات زر منظور اور اپوزیشن کی تحاریک کو مسترد کر دیا گیا، ضمنی بجٹ منظور ہوا تو پنجاب اسمبلی کا اجلاس غیر معینہ مدت کیلئے ملتوی کر دیا گیا۔

وزیر خزانہ نے محکمہ آبپاشی کے لیے 30 ارب 83 کروڑ 76 لاکھ 85 ہزار کا مطالبہ زر ایوان میں پیش کردیا، اپوزیشن نے مطالبات زر کی مخالفت کرتے ہوئے بحث کا آغاز کردیا، بعد ازاں پنجاب اسمبلی میں محکمہ آبپاشی کی ڈیمانڈ منظور کر لی گئیں جبکہ اپوزیشن کی جانب سے پیش کی گئی کٹوتی کی تحاریک مسترد کر دی.