وزیراعظم شہبازشریف کی جانب سے وزیر اعظم ہاؤس میں بچوں کے اعزاز میں افطار ڈنر

وزیراعظم شہبازشریف نے یتیم اور خصوصی بچوں کے اعزاز میں وزیراعظم ہاوس اسلام آباد میں ایک افطار ڈنر دیا۔

بچوں سے گفتگو کرتے ہوئے انہوں نے افطارڈنر کی دعوت قبول کرنے پر ان کا شکریہ ادا کیا ، انہوں نے کہا کہ وزیراعظم ہائوس ان کا ہے اور انہیں بچوں کی میزبانی کرنے پر فخر ہے۔

وزیراعظم شہباز شریف نے خصوصی بچوں کی صلاحیتوں کی تعریف کی انہوں نے طلباء سے کہا کہ وہ سخت محنت کریں اور قوم کی خدمت کریں۔ایک بچے کے مطالبے پر شہبازشریف نے کہا کہ دارلحکومت اسلام آباد، آزاد کشمیر اور گلگت بلتستان میں دانش سکول قائم کئے جائیں گے جہاں طلباء کو تعلیم، رہائش اور دیگر سہولیات مفت فراہم کی جائینگی۔

وزیراعظم نے کہا کہ اسلام آباد، گلگت بلتستان اور آزاد کشمیر میں جدید ہسپتال بھی تعمیر کئے جائیںگے۔اس موقع پر شہبازشریف نے بچوں میں تحائف بھی تقسیم کئے۔