عید سے قبل آئمہ بیگ نے نیا گانا ریلیز کرنے کا عندیہ د ے دیا

پاکستان کی معروف گلوکارہ آئمہ بیگ نے عیدالفطر کے موقع پر اپنا نیا گانا ریلیز کرنے کا اعلان کر دیا۔

پاکستان کی مقبول ترین گلوکاروں میں سے ایک گلوکارہ آئمہ بیگ نے اپنی انسٹاگرام سٹوریز میں لکھا کہ کافی عرصہ ہو گیا ہے، آخر کار اس عید پر ایک گانا ریلیز کرنے کے بارے میں سوچ رہی ہوں۔

فوٹو اینڈ ویڈیو شیئرنگ پلیٹ فارم انسٹاگرام پر گلوکارہ کی جانب سے شیئر کیے گئے پوسٹر کے مطابق وہ اپنا تازہ ترین گانا 11 اپریل کو ریلیز کرنے والی ہیں۔

آئمہ بیگ نے اپنے اگلے گانے کا پوسٹر اور اس کا ٹائٹل اپنے آفیشل انسٹاگرام پیج پر اس تفصیل کے ساتھ پوسٹ کیا کہ ہم نے یہ گانا کافی عرصہ پہلے بنایا تھا اور مجھے لگتا ہے کہ اب اسے اس عید پر 11 اپریل 2024 کو ریلیز کرنے کا بہترین وقت ہے۔