پاکستان کی سلامتی کو درپیش کسی بھی چیلنج کا جواب دینےکیلئےہمہ وقت تیارہیں ، ایئرچیف

ترجمان پاک فضائیہ کے مطابق  سربراہ پاک فضائیہ ایئرچیف مارشل  ظہیر احمد بابر سدھو نے کمانڈاینڈسٹاف کالج کوئٹہ کا دورہ کیا ہے۔

کورس کے شرکاء سے خطاب کرتے ہوئے ائیر چیف نے  کہا کہ  دور حاضر کی جنگ میں ائیرپاورعسکری قوت کاایک موثرعنصربن چکی ہے، پاک فضائیہ ملک کو درپیش سیکورٹی چیلنجز کابخوبی ادراک رکھتی ہے ، پاک فضائیہ اپنے آپریشنل منصوبوں کوعملی جامہ پہنانے کیلئے سرگرم عمل ہے،پاک فضائیہ اپنی آپریشنل تیاریوں کو بہت اہمیت دیتی ہے۔

ائیر چیف کا کہنا تھا کہ  پاک فضائیہ پاکستان کی سلامتی کو درپیش کسی بھی چیلنج کا جواب دینےکیلئےہمہ وقت تیارہیں ،  ہم تمام لوگ جنہوں نے یونیفارم زیب تن کیا ہے ان کا ہر وقت عملی طور پر تیار رہنا ہے اور  اس ملک اور اس کے شہریوں کے دفاع کیلئے ہمارا اولین فریضہ ہے۔