مائیکروسافٹ کا نیا ونڈوز آپریٹنگ سسٹم متعارف کرانے کا اعلان

غیر ملکی خبر رساں ادارے کے مطابق مائیکروسافٹ کے چیف آپریٹنگ افسر(سی او او) ستیہ نڈیلا اور چیف پراڈکٹ افسر پانوس پانے ایک ورچوئل اجلاس میں یہ ونڈوز آپریٹنگ سسٹم دنیا کے سامنے  پیش کریں گے۔

میڈیا رپورٹس کے مطابق نیا آپریٹنگ سسٹم کب تک صارفین کو دستیاب ہوگا یہ کہنا ابھی مشکل ہے  لیکن  رپورٹس ہیں کہ 2021ء کے آخر تک اس کی ابتدائی شکل جاری ہو سکتی ہے۔

گزشتہ ماہ چیف آپریٹنگ افسر ستیہ نڈیلا نے ایک تقریب کے دوران اس بات کی تصدیق کی تھی کہ ایک عشرے کے بعد مائیکروسافٹ ونڈوز کی سب سے اہم ترین اپ ڈیٹ کی جا رہی ہے۔

یاد رہے کہ مائیکرو سافٹ کی جانب سے آخری بار 2015 میں ونڈوز 10 کی شکل میں نیا آپریٹنگ سسٹم متعارف کرایا گیا تھا جس نے ونڈوز 8.1 کی جگہ لی تھی۔