پی ایس ایل 6 کے بقیہ میچز کیلئے میچ آفیشلز کا اعلان

تفصیلات کے مطابق پاکستان کرکٹ بورڈ نے ایچ بی ایل پاکستان سپر لیگ 6 کے ابوظہبی میں شیڈول بقیہ 20 میچز کے ‏لیے میچ آفیشلز کا اعلان کردیا ہے۔علیم ڈار اور احسن رضا پی ایس ایل 6 کے فائنل میں امپائرنگ کے فرائض انجام دیں گے۔

ان  6 امپائرز میں احسن رضا، آصف یعقوب ، فیصل خان آفریدی، راشد ریاض، شوزب رضا اور ضمیر حیدر شامل ہیں۔ پی سی بی کےایلیٹ  پینل برائے ریفری میں شامل محمد انیس ، علی نقوی، افتخار احمد اور محمد جاوید میچز میں فرائض انجام دیں گے۔

شیڈول کے مطابق  9 جون کو لاہور قلندرز اور اسلام آباد ‏یونائیٹڈ کے مابین کھیلا جائے گا ۔

چند روز قبل پی سی بی نے اعلان کیا تھا کہ  ٹورنامنٹ کے 20 میچز 9سے 24 جون تک شیخ زید کرکٹ اسٹیڈیم ابوظہبی میں کھیلے جائیں گے۔ پاکستان کرکٹ بورڈ کے مطابق  پہلا میچ لاہور قلندرزاور  اسلام آباد یونائیٹڈ کے درمیان کھیلا جائے گا۔10 جون کو ملتان سلطانز اور کراچی کنگز کی ٹیمیں مد مقابل  ہوں گی۔ ٹیمیں 21 اور 23 جون کو آرام کریں گی اور ٹورنامنٹ کا فائنل چوبیس جون کو کھیلا جائے گا اور  قومی کرکٹ ٹیم 25 جون کو مانچسٹر روانہ ہوجائے گی۔