پاکستان اسٹاک ایکسچینج میں ایک اور نئی تاریخ رقم

پاکستان سٹاک مارکیٹ نے نئی تاریخ رقم کر دی ، 100 انڈیکس 75 ہزار پوائنٹس کی حد عبور کر گیا۔ سرمایہ کاروں کا اعتماد بحال ہونے کے ساتھ ہی پاکستان سٹاک مارکیٹ ملکی تاریخ کی بلند ترین سطح پر پہنچ گئی۔

کاروباری ہفتے کے تیسرے روز پاکستان سٹاک ایکسچینج میں اضافے کا رجحان دیکھا جا رہا ہے۔

پاکستان سٹاک مارکیٹ میں 516 پوائنٹس کا اضافہ دیکھنے میں آیا جس کے ساتھ 100 انڈیکس 75 ہزار 475 پوائنٹس کی سطح پر ٹریڈ کر رہا ہے۔

یاد رہے کہ گزشتہ روز بھی پاکستان سٹاک ایکسچینج میں کاروبار کا مثبت دن رہا جہاں 100 انڈیکس 732 پوائنٹس اضافے سے 74 ہزار 531 پوائنٹس پر بند ہوا

گزشتہ روز سٹاک مارکیٹ میں 57کروڑ شیئرز کے سودے 23.4ارب روپے میں طے ہوئے جبکہ مارکیٹ کیپٹلائزیشن 78ارب روپے بڑھ کر 10ہزار 37ارب روپے پر چلی گئی۔