کورونا وائرس : بھارت میں ایک روز کے دوران مزید2 ہزار 437 افرادہلاک

تفصیلات کے مطابق بھارت میں کورونا   وائرس سے  ہلاکتوں کا سلسلہ جاری ہے  ، بھارت میں کورونا سے متاثرہ افراد کی تعداد 2 کروڑ 89 لاکھ 9 ہزار سے زائد ہے اور 3 لاکھ 49 ہزار229 افراد جان کی بازی ہار چکے ہیں۔  مہاراشٹر میں کورونا اموات کی تعداد ایک لاکھ سے متجاوز کرگئی ۔دہلی   سمیت مختلف شہروں میں آج سے پابندیوں میں نرمی کیے جانے کا امکان ہے۔ دہلی میں آج سے دوکانیں کھلنی شروع ہوگئی ہیں جبکہ پچاس فیصد مسافروں کےساتھ دہلی میں میٹرو   کھول دی گئی ہے ۔  سنیما ،ہوٹل، بار،جم ،اسپا ،سیلون اگلے حکم تک بند رہیں گے ۔

دوسری جانب عالمی وبا کورونا وائرس کے سبب دنیا  بھر متاثرہ افراد کی مجموعی تعداد 17 کروڑ 40 لاکھ 52 ہزار سے تجاوز کر گئی جبکہ 37 لاکھ44 ہزار29 افراد جان کی بازی ہار چکے ہیں۔ دنیا بھر میں کورونا سے صحت یاب ہونے والوں کی تعداد 15 کروڑ 70 لاکھ سے زائد اور فعال کیسز کی تعداد ایک کروڑ 32 لاکھ 43 ہزار سے زائد ہے۔