وزیراعظم شہباز شریف ابراہیم رئیسی کے انتقال پر تعزیت کیلئے تہران پہنچ گئے

وزیر اعظم شہباز شریف ابراہیم رئیسی کے انتقال پر تعزیت کیلئے ایران کے شہر تہران پہنچ گے۔

وزیر اعظم ایران کے سپریم لیڈر آیت اللہ خامنائی،قائم مقام صدر ڈاکٹر محمد مخبرسے ملاقات کریں گے اور ایرانی صدرڈاکٹر سید ابراہیم رئیسی ،وزیر خارجہ حسین امیرعبدالہیان اور دیگر کی 19 مئی کو ہیلی کاپٹر حادثہ میں شہادت پر پاکستان کے عوام اور حکومت کی جانب سے تعزیت کریں گے۔

وزیر اعظم کے دفتر کی جانب سے جاری کردہ پریس ریلیز کے مطابق نائب وزیراعظم و وزیر خارجہ اسحاق ڈار ، وفاقی وزیر داخلہ سید محسن رضا نقوی ، وفاقی وزیر اطلاعات و نشریات عطاء اللہ تارڑ اور وزیر اعظم کے معاون خصوصی طارق فاطمی بھی وزیراعظم کے ہمراہ ہیں۔