شاہ رخ خان کی طبیعت میں بہتری، ہسپتال سے ڈسچارج

بالی ووڈ کے بے تاج بادشاہ شاہ رخ خان کی طبیعت سنبھلنے پر انہیں احمد آباد کے ہسپتال سے ڈسچارج کر دیا گیا ہے۔

بھارتی میڈیا رپورٹس کے مطابق شاہ رخ خان آئی پی ایل ٹوئنٹی 20 میں اپنی ٹیم کولکتہ نائٹ رائیڈر کے میچ کے سلسلے میں دو دنوں کے لیے احمد آباد میں تھے۔

شاہ رخ خان نے 21 مئی کو نریندر مودی اسٹیڈیم میں کولکتہ نائٹ رائیڈرز کا میچ دیکھا۔ اس موقع پر ان کے ساتھ صاحبزادی سوہانا خان اور بیٹا ابراہم بھی موجود تھے۔

پہلے کوالیفائر کرکٹ میچ کے بعد سُپر اسٹار کو ہیٹ اسٹروک اور ڈی ہائیڈریشن کے باعث ہسپتال میں داخل کیا گیا تھا۔

کنگ خان کی طبیعت خرابی کی خبر سامنے آتے ہی اہلیہ گوری خان اور اداکارہ جوہی چاولہ اپنے شوہر جے مہتا کے ساتھ ان کی عیادت کے لیے ہسپتال پہنچی تھیںتاہم اب کنگ خان کی طبیعت پہلے سے بہتر ہے، جس کے بعد انہیں ہسپتال سے ڈسچارچ کر دیا گیا ہے۔