متحدہ عرب امارات اورپاکستان کے درمیان جدت پرمبنی ٹیکنالوجی کی ترقی پر اجلاس

وزیراعظم شہبازشریف نے پاکستان کی معیشت کو متحدہ عرب امارات کے ساتھ روابط، مشترکہ منصوبوں اور شراکت داری کے ذریعے مکمل طورپر تبدیل کرنے کیلئے حکومت کے عزم کااظہار کیا ہے ۔

وزیر اعظم شہباز شریف نے  ابو ظہبی میں متحدہ عرب امارات اورپاکستان کے درمیان جدت پرمبنی ٹیکنالوجی کی ترقی کے موضوع پر گول میز اجلاس سے خطاب کرتے ہوئے کہاکہ حکومت برآمدات میں اضافے کیلئے معیشت کے مختلف شعبوں میں انفارمیشن ٹیکنالوجی اور مصنوعی ذہانت کے فروغ پر توجہ دے رہی ہے ۔

وزیراعظم نے معیشت کو ڈیجیٹلائز کرنے کیلئے متحدہ عرب امارات اور پاکستانی کمپنیوں کے درمیان مشترکہ منصوبوں کو بھی سراہا اور اس رجحان کو پاکستان میں بڑھانے کی خواہش کااظہارکیا-

انہوں نے نوجوانوں کو بااختیار بنانے کی غرض سے آئی ٹی کی مہارت کے فروغ پر بھی زوردیا جو پاکستان کی آبادی کا ساٹھ فیصد ہیں ۔