قاتلانہ حملے میں زخمی صحافی نصراللہ انتقال کر گئے

گھوٹکی کےمقامی صحافی نصراللہ گڈانی خالق حقیقی سے جا ملے،نصر اللہ گڈانی میرپور ماتھیلو میں قاتلانہ حملے میں زخمی ہوئے تھے۔

 نصر اللّٰہ گڈانی دو روز قبل میرپور ماتھیلو میں قاتلانہ حملے میں گولیاں لگنے سے زخمی ہوئے تھے ،3 گولیاں لگنے پر انہیں شیخ زید ہسپتال رحیم یار خان منتقل کیا گیا تھابعد میں نصراللہ گڈانی کو آغاز خان ہسپتال کراچی میں منتقل کیا گیا جہاں وہ زیر اعلاج تھے۔

نصر اللّٰہ گڈانی زخموں کی تاب نہ لاتے ہوئے شہید ہوکر خالق حقیقی سے جا ملے،صحافی برداری نے نصر اللّٰہ گڈانی کی موت پر گہرے دکھ رنج اور افسوس کا اظہار کیا ہے۔

دوسری جانب صحافی نصر اللہ گڈانی کے انتقال پر صحافیوں، سیاسی، سماجی رہنماؤں اور قوم پرستوں سمیت سول سوسائٹی نے ایس ایس پی آفس کے باہر احتجاجی دھرنا دے دیا۔

مظاہرین کا کہنا ہے کہ نصراللہ گڈانی کے قاتلوں کی گرفتاری تک احتجاج جاری رہے گا۔