پنجاب اور کے پی کے چند علاقوں میں بارش کا امکان

محکمہ موسمیات نے پنجاب اور خیبر پختونخوا میں چند مقامات پر گرج چمک کے ساتھ بارش کا امکان ظاہر کیا ہے ۔ملک کے اکثرعلاقوں میں گرمی کا راج برقرار رہے گا ،جنوبی اضلاع میں ہیٹ ویو کا سلسلہ جاری ہے۔

محکمہ موسمیات کاکہنا ہےکہ اسلام آباد اورگردونواح میں مطلع جزوی ابرآلود رہنے کےساتھ چند مقامات پربارش کا امکان ہے۔ مری،گلیات،راولپنڈی سمیت پنجاب کے چندمیدانی علاقوں میں پر بارش ہو سکتی ہے،بالائی خیبرپختونخوا میں چندمقامات پربارش ہو سکتی ہے۔

دوسری جانب کراچی میں رواں ہفتے گرمی کی شدت میں کمی متوقع ہے، شہری میں اس وقت مطلع جزوی ابر آلود ہے، سمندی ہوائیں بحال ہو گئیں۔

محکمہ موسمیات کے مطابق بلوچستان کےاکثرعلاقےگرم رہیں گےساحلی پٹی پربوندا باندی کا امکان ہے، سندھ کے اکثر بالائی اضلاع میں موسم شدید گرم رہےگا۔زیادہ سے زیادہ درجہ حرارت 36 ڈگری تک جانے کا امکان ہے،آئندہ 24 گھنٹے کے دوران موسم گرم اور مرطوب رہے گا۔