بیوٹی پارلر میں خواتین کی غیر اخلاقی ویڈیو بنائے جانے کا انکشاف

خواتین کی غیر اخلاقی ویڈیو بنانے کا ایک اورواقعہ سامنے آ گیا۔ لاہور میں فیصل ٹائون ڈی بلاک میں واقع ایک بیوٹی پارلر میں خفیہ کیمرا کی اطلاع ملنے پر پولیس نے پارلر کی مالک اور دو ورکر کے خلاف مقدمہ درج کر لیا ہے۔

گزشتہ روز لاہور کے علاقے جوہر ٹائون میں خواتین کی غیر اخلاقی وڈیوز بنا کرحراساں کرنے کی اطلاع ملی تھی ،اسی طرح کا دوسرا واقع لاہور کے علاقے فیصل ٹائون میں واقع عروسہ بیوٹی پارلر میں بھی پیش آیا۔

جوہر ٹائون میں واقع عروسہ بیوٹی پارلرمیں کپڑے بدلتے خواتین کی ویڈیو بنائی جانےلگیں، پولیس نےواقعہ کا مقدمہ متاثرہ وردہ نامی خاتون کی درخواست پر درج کر لیا، مقدمہ میں پارلر مالکن عروسہ اور اس کی دوملازمین کینزہ،اور مبشرہ کو نامزد کیا گیا ہے۔ پولیس حکام کے مطابق واقع کی تفتیش شروع کر دی گئی ہے۔

یاد رہے کہ گزشتہ روزایسی طرح کا ایک واقعہ جوہر ٹائون میں پیش آیا ، واقع کے مطابق ایک ہاسٹل میں ملازمین واش روم کی کھڑکیوں اور روشن دانوں سے موبائل کیمروں کی مدد سے خفیہ ریکارڈنگ کرتے تھے۔

پولیس نے 7 ملزمان کے خلاف مقدمہ درج کر کے موبائل فون قبضے میں لے لئے تھے جن کو بعد میں فرانزکلیبارٹری بھجوا دیا گیا۔ مختلف شہروں سے آئی 40 طالبات رہائش پذیر تھیں۔

پولیس ذرائع کے مطابق پولیس تفتیشی ٹیم نے طالبات کے بیانات قلم بند کرلئے گئے۔ طالبات نے اپنے بیانات میں واش رومز میں موجود کیمرہ لگنے کی تصدیق کردی تھی۔