جیل ہوئی تو شدید عوامی ردعمل آئے گا، ٹرمپ کی وارننگ

سابق امریکی صدر ڈونلڈ ٹرمپ خبردار کر دیا کہ اگر مجھے جیل بھیجا گیا تو شدید عوام رد عمل آئے گا۔

سابق امریکی صدر ڈونلڈ ٹرمپ کا کہنا تھا کہ ان کے خلاف عدالتی کارروائی ان کی اہلیہ کے لیےانتہائی سخت تھی جو گذشتہ ہفتوں کے دوران عدالتی سماعتوں میں شریک نہیں ہوئیں۔

غیر ملکی خبر رساں ادارے کے مطابق ایک ٹی وی کو انٹرویو میں سابق صدر ڈونلڈ ٹرمپ نے منی ٹریل کے مقدمے میں سزا کے بعد جیل یا گھر میں نظر بندی کے امکان کو تسلیم کیا۔

انہوں نے کہا کہ مجھے اس سے کوئی مسئلہ نہیں۔ میرے خیال میں عوام کے لیے اس تسلیم کرنا مشکل ہو گا۔

ٹرمپ نے کہا کہ میرے خلاف ٹرائل کا محرک سیاسی ہے۔ مجھ پر ظلم کرنے والے برے، انتقامی اور بیمار لوگ ہیں۔

انہوں نے کہا کہ ملک میں جمہوریت کو سنگین خطرات کا سامنا ہے۔ ڈیموکریٹس نے عدلیہ کو ان کے خلاف ایک ہتھیار کے طور پر استعمال کیا۔ ٹرمپ اپنے سیاسی مخالفین پر یہ الزام بار بار عائد کرتے رہے ہیں۔