اے بی ڈیویلئیرز نے بابر اعظم کی انگریزی کا مذاق اڑانے والوں کو آڑے ہاتھوں لے لیا

جنوبی افریقی کرکٹ ٹیم کے سابق کپتان اے بی ڈیویلئیرز نے پاکستانی کپتان بابر اعظم کی انگریزی کا مذاق اڑانے والے بھارتی سوشل میڈیا صارف کو آڑے ہاتھوں لے لیا۔

آئی سی سی ٹی ٹوئنٹی ورلڈکپ کا آغاز ہوچکا ہے اور پاکستان کے پہلے میچ سے قبل اے بی نے اپنے یوٹیوب چینل پر کچھ معروف کرکٹرز کا انٹرویو کیا جس میں بابر اعظم بھی شامل تھے۔ دوران انٹرویو بابر نے اپنے کیرئیر سمیت اے بی ڈیویلئیرز کے کئی سوالات کے جواب دیے۔

AB De Villiers defends Babar Azam's English, shutting down an Indian troll.

Well done, AB, you have even earned more respect. #T20WorldCup2024 #T20WorldCup pic.twitter.com/DKAF3QnzYL

— sehrish qayyum (@sehrishqayyum2) June 1, 2024

یوٹیوب پر پوسٹ کی گئی ویڈیو پر ایک بھارتی صارف نے بابر اعظم کی جانب سے بولی جانے والی انگریزی زبان کا مذاق اڑایا۔

ریتھیک گوروو نامی صارف نے کمنٹ کیا 'اے بی بابر اعظم کی انگلش سننے کے بعد بمشکل ہی اپنی ہنسی قابو کر پارہے ہیں'۔صارف نے ساتھ ہی قہقہوں والا ایموجی بنایا جس کے بعد جنوبی افریقی لیجنڈ نے ریتھیک نامی شخص کو جواب دیا۔

اے بی ڈیویلئیرز نے لکھا 'بابر کی انگریزی واضح طور پر میری اردو سے بہتر ہے جب کہ ان کی بیٹنگ کی صلاحیت شاندار ہے، اور میں سمجھتا ہوں کہ یہ (بیٹنگ کی صلاحیت) زیادہ اہم ہے'۔