پاکستان فٹ بال لیگ کیلئے بین الاقوامی فٹ بالرز پاکستان پہنچ گئے

پاکستان فٹ بال لیگ  میں شرکت کے لیے بین الاقوامی فٹ بالرز پاکستان پہنچ گئے۔ 
 تفصیلات کے مطابق پاکستان فٹ بال لیگ کا میدان 4 جون سے لاہور میں  سجنے جا رہا ہے، جس میں شرکت کیلئے پاکستان فٹ بال فیڈریشن نے بین الاقوامی شہرت یافتہ فٹ بالرز کو مدعو کیا۔ 
پاکستان آنے والے بین الاقوامی فٹ بالرز میں برطانیہ کے بیلن ڈی اور مائیکل اوون، جبکہ لیور پول کلب کےمہنگے کھلاڑی ایمیل ہیسکی اور پاسکل چمبونڈا شامل ہیں۔ 
تمام مہمان فٹ بالرز پاکستان فٹ بال لیگ کی افتتاحی تقریب کے مہمان خصوصی ہوں گے۔ 
ذرائع کے مطابق حالیہ دورہ پاکستان کے دوران فٹ بالرز کی قائم مقام صدر یوسف رضا گیلانی اور برطانوی ہائی کمشنر سے ملاقات ہو گی، جبکہ برطانوی ہائی کمشنر کی جانب سے کھلاڑیوں کو عشائیہ بھی دیا جائے گا۔