بھارتی کرکٹر یوراج سنگھ کی پاکستانی کرکٹ ٹیم پر تنقید

بھارتی سابق کرکٹر نے امریکہ کے خلاف میچ میں پاکستانی ٹیم کی حکمت عملی کو مبہم قرار دے دیا۔ 

بھارتی سابق کرکٹر یوراج سنگھ نے پاکستان بمقابلہ امریکہ پر اپنی رائے دیتے ہوئے لکھا کہ وہ یہ سمجھنے سے قاصر ہیں کہ پاکستانی کرکٹ ٹیم نے دوران میچ کیسے فیصلے لیے۔ 
یوراج سنگھ نے اپنی رائے دیتے ہوئے کہا کہ اگر سپر اوور میں ایک بائیں ہاتھ کا گیند باز اوور کروا رہا تھا تو کھیلنے کے لیے فخر زمان کو سامنے آنا چا ہیے تھا، کیوں کہ بائیں ہاتھ کے بلے باز ہونے کے ناطے فخر زمان کے لیے ہٹ لگانا زیادہ آسان تھا۔ 

تاہم انہوں نے امریکی ٹیم اور کپتان کو میچ کے دوران بہترین فیصلے لینے پر داد کا مستحق قرار دیا۔ 

انہوں نے مزید لکھا کہ پاکستان کو بھارت کے خلاف میچ جیتنے کے لیے بہترین حکمت عملی سے کام لینا ہوگا، مگر ساتھ ہی انہوں نے اپنی رائے دیتے ہوئے کہا کہ حالیہ جاری ٹی ٹوینٹی ورلڈ کپ کے آغاز میں بھارت نے بہترین کارکردگی دکھائی ہے، جس کے بعد بھارت کو ہرانا اتنا بھی آسان نہیں ہے۔