سٹریٹجک جوہری ہتھیاروں کی تعیناتی میں اضافہ ہو سکتا ہے، امریکہ

وائٹ ہائوس کے سینئر معاون خصوصی نے کہا کہ  آنے والے برسوں میں مخالف ملکوں کی طرف سے خطرات کے بڑھ جانے سے امریکہ کو اپنے سٹریٹجک جوہری ہتھیاروں کی تعیناتی میں اضافہ کرنا ہوگا۔

اس اضافے کی ضرورت کے حوالے سے وائٹ ہاوس کے معاون نے بتایا کہ جوہری ہتھیاروں میں یہ اضافہ مخالفین کو روکنے اور امریکی عوام اور ہمارے اتحادیوں اور شراکت داروں کی حفاظت کے لیے مزید جوہری ہتھیاروں کی ضرورت ہے۔

قومی سلامتی کونسل کے ایک اعلیٰ اہلکار پرانے وادی نے کہا کہ بائیڈن انتظامیہ ہتھیاروں پر قابو پانے کے لیے زیادہ مسابقتی نقطہ نظر اپنا رہی ہے اور آنے والے سالوں میں مزید ہتھیاروں کی تعیناتی کا امکان ہے۔

امریکی حکام نے اس بات پر تشویش کا اظہار کرتے ہوئے کہ کہ روس نے 2010 کے نیو سٹارٹ معاہدے کے جانشین پر بات کرنے سے انکار کر دیا ہے جو ممالک کی جانب سے اسٹریٹجک جوہری ہتھیاروں کی تعیناتی کو محدود کرتا ہے ۔

یہ معاہدہ بین الاقوامی سطح پر سٹریٹجک جوہری ہتھیاروں کی تعیناتی کو محدود کرنے کی غرض سے کیا گیا تھا۔ اس کی مدت 2026 میں ختم ہونے والی ہے۔ دوسری جانب چین کے اپنے جوہری ہتھیاروں کی توسیع پر بات چیت سے انکار پر بھی تشویش ہے۔

صدر جوبائیڈن کے معاون نے کہا ہم آنے والے برسوں میں ایک ایسے مقام پر پہنچ سکتے ہیں جہاں جوہری ہتھیاروں کی ضرورت میں اضافہ ہوجائے۔ وادی نے مزید کہا صدرنے یہ فیصلہ کر لیا تو ہمیں اس پر عملدرآمد کے لیے پوری طرح تیار رہنا ہو گا۔

امریکی اہلکار نے اپنے بیان میں مزید کہا کہ ایسا کرنا ہمارے مخالفین کو روکنے کیلئے ضروری ہے لیکن اس سے امریکی عوام ، ہمارت اتحادی اور شرکت دار محفوظ ہیں۔امریکہ جوہری ہتھیاروں کے پھیلاؤ کو محدود کرنے کے لیے بین الاقوامی ہتھیاروں کے کنٹرول اور عدم پھیلاؤ کے لیے پرعزم ہے۔

مبصرین کے نزدیک امریکی صدر کو غزہ جنگ بندی کے لیے پیش کیے گئے روڈ میپ کے اعلان کے ساتھ اگلے ہی جمعہ کو دنیا بھر میں اپنے جوہری ہتھیاروں کو بڑھانے کا اعلان حیران کن اورغیر معمولی ہے۔

دوسری جانب تین روز قبل روسی صدر ولادی میر پیوٹن نے خبردار کیا کہ اگر امریکہ یوکرین کو طویل فاصلے تک مار کرنے والے مغربی ہتھیاروں کے ساتھ روس میں اندر تک حملہ کرنے کی اجازت دیتے ہیں تو روس بھی امریکہ اور اس کے یورپی اتحادیوں کے فاصلوں کو مد نظر رکھ کر روایتی میزائل نصب کر سکتا ہے۔