چاہت فتح علی خان نے گانا ’بدوبدی 2‘ریلیز کرنے کا اعلان کر دیا

گلوکار چاہت فتح علی خان نے سوشل میڈیا پر ’’بدو بدی 2‘‘گانا جلد ریلیز کرنے کا اعلان کیا ہے۔

گلو کارچاہت فتح علی خان نے ملکہ ترنم نور جہاں کا مشہور پنجابی گانا ’اکھ لڑی بدو بدی‘ کا ری میک تیارکیا  تھا، 28 ملین ویوزبھی حاصل کیے لیکن اس گانے کو یوٹیوب نے کاپی رائٹ کی وجہ سے ڈیلیٹ کردیا۔

واضع رہے کہ اب گلوکار کا ایک ویڈیو کلپ سامنے آ رہا ہے جس میں انہوں نے ’’بدو بدی 2‘‘گانا ریلیز کرنے کا اعلان کر دیا ہے۔

چاہت فتح علی خان نےاپنی وائرل ویڈیومیں پاکستان، بھارت، بنگلادیش، نیپال اور سری لنکا میں اپنے مداحوں کا شکریہ ادا کیا ہے اور کہا ہے کہ بہت سے پراجیکٹ اور یوٹیوب چینل کیلئے بنائی گی ایک فلم ’سبق‘ بھی تیار کر رہا ہوں۔

گلوکارچاہت فتح علی خان نے کہا کہ 6 گانے ریلیز کیے جائیں گے جس میں ’بدوبدی2 ‘گانا بھی بہت جلد آرہا ہے اور گانوں میں خوبصورت اور نئی ماڈلز بھی کام کریں گی۔