دماغ کے کینسر کا عالمی دن آج منایا جا رہا ہے

پاکستان سمیت دنیا بھر میں دما غ کے کینسر (برین ٹیومر) اور اس سے بچاؤ سے متعلق آگاہی کے حوالہ سے برین ٹیومر کا عالمی دن 8 جون کو منایا گیا۔ دماغ کی رسولیوں، ان کی تشخیص اور ممکنہ علاج سے متعلق عوامی شعور بہت کم ہے۔

عام انسانوں کو برین ٹیومر اور اس سے پیدا ہونے والی پیچیدگیوں سے آگاہ کرنے کے لیے ہر سال 8جون کو ورلڈ برین ٹیومر ڈے منایا جاتا ہے۔ رواں سال مارچ میں عالمی سطح پر دماغی رسولیوں سے متعلق آگہی کا مہینہ بھی منایا گیا۔ رواں سال عالمی دن کا موضوع ’’خود کو بچائیے، ذہنی دباؤ سے دور رہیئے‘‘ منتخب کیا گیا ہے۔

برین ٹیومر کے عالمی دن کی مناسبت سے ملک بھر میں سرکاری، غیر سرکاری، نجی اور طبی اداروں کے زیر انتظام مختلف پروگرامز اور تقریبات کا انعقاد کیا گیا۔ ماہرین نے برین ٹیومر کے مرض، اسکی تشخیص اور علاج معالجہ کے حوالہ سے عام آدمی کو آگاہی فراہم کی۔