کراچی : سی ٹی ڈی انٹیلی جنس ونگ کی بڑی کارروائی

کراچی کاؤٹر ٹیررازم ڈپارٹمنٹ (سی ٹی ڈی) کے انٹیلی جنس ونگ نے بڑی کارروائی کرتے ہوئےبینک سے رقم لے کر نکلنے والے شہریوں کو لوٹنے والے گینگ کے ماسٹر مائنڈ گرفتار کرلیا۔

رپورٹ کے مطابق ترجمان سی ٹی ڈی کی جانب سے جاری بیان میں بتایا گیا کہ گرفتار ملزم نے گزشتہ روز بینک سے کیش لیکر نکلنے والے شہری کی اطلاع اپنے ساتھوں کو دی تھی، مخبری پر ساتھیوں نے ڈیفنس میں شہریوں کو لوٹنے کی کوشیش کی۔

ترجمان سی ٹی ڈی نے کہا کہ دوران واردات پولیس موقع پر پہنچ گئی اور مقابلے میں ایک ملزم مارا گیا تھا، گرفتار ملزم چند ماہ قبل سی ٹی ڈی کے ہاتھوں کورئیر وین لوٹنے کے الزام میں گرفتار ہوا تھا۔

سی ٹی ڈی کے مطابق گرفتار ملزم حال ہی میں جیل سے ضمانت پر رہا ہوکر آیا، ملزم نے ضمانت حاصل کرنے کے بعد نیا گینگ تشکیل دیا اور وارداتیں شروع کردیں۔

کاؤٹر ٹیررازم ڈپارٹمنٹ نے بتایا کہ ملزم کے دیگر ساتھوں کے حوالے سے مزید تفتیش جاری ہے، ملزم کی گرفتاری سی سی ٹی وی فوٹیج کی مدد سےعمل میں آئی۔