شو آف ہینڈز کے حکومتی اقدام سے اپوزیشن کے چھکے چھوٹ گئے ہیں، ڈاکٹر شہباز گِل

معاون خصوصی برائے سیاسی ابلاغ ڈاکٹر شہباز گِل کا بلاول زرداری کے بیان پر ردعمل دیتے ہوئے کہنا تھا کہ  کرپشن اور رشوت کا خاتمہ پیپلز پارٹی کو قبول نہیں کیونکہ ان اوچھے ہتھکنڈوں کے بغیر انکا جیتنا ممکن نہیں، الیکشن میں پیسوں کا استعمال اور ہارس ٹریڈنگ پیپلزپارٹی اور مسلم لیگ نواز کی تاریخ ہے، گزشتہ ادوار میں دھاندلی اور خرید و فروخت کر کے عوام سے انکا حق چھینا جاتا رہا ہے۔

 ڈاکٹر شہباز گِل نے کہا کہ   زرداری نواز ٹولہ منتخب نمائندوں کے ضمیر کی بولی لگا کر جمہوریت کی کونسی خدمت کرنا چاہتے ہیں؟، پیپلزپارٹی کی عوام سے ہمدردی صرف ووٹ اور مال لوٹ تک ہے، ‏‎یہ مارچ دھرنا شور شرابہ صرف کرپشن بچاؤ ملکر کھاؤ ایجنڈا ہے۔

معاون خصوصی کا کہنا تھا کہ تحریک انصاف نے عوام کے حق پر ڈاکا ڈالنے والوں کے خلاف ہر فورم پر آواز بلند کی،یہ سب مل کر بھی ایک عمران خان کے مقابلے سے خائف ہیں،اپوزیشن اگر کرپشن کے خاتمے میں سنجیدہ ہوتی تو وزیراعظم کا ساتھ دیتی، شو آف ہینڈز کے حکومتی اقدام سے اپوزیشن کے چھکے چھوٹ گئے ہیں۔