کھیل
فاسٹ باؤلرحارث رؤف نے ٹی 20 میں 100 تیز ترین وکٹیں لینے کا ریکارڈ اپنے نام کر لیا
پاکستانی فاسٹ باؤلر حارث رؤف ٹی ٹوینٹی انٹرنیشنل میں تیز ترین 100 وکٹس لینے والے دنیا کے پہلے فاسٹ باؤلر بن گئے
![فاسٹ باؤلرحارث رؤف نے ٹی 20 میں 100 تیز ترین وکٹیں لینے کا ریکارڈ اپنے نام کر لیا](/media/108471/conversions/cover_1663053806Haris-1280x720.jpg)
فاسٹ باؤلرحارث رؤف کا ٹی ٹوینٹی میں 100 تیز ترین وکٹس لینے کا ریکارڈ قائم
پاکستانی فاسٹ باؤلر حارث رؤف ٹی ٹوینٹی انٹرنیشنل میں تیز ترین 100 وکٹس لینے والے دنیا کے پہلے فاسٹ باؤلر بن گئے۔
حالیہ جاری ٹی ٹوینٹی ورلڈکپ کے دوران پاکستان بمقابلہ کینیڈا کے میچ میں حارث رؤف نے 2 وکٹیں لے کر یہ ریکارڈ اپنے نام کیا۔ حارث رؤف نے 71 میچوں میں کارکردگی دکھا کر یہ ریکارڈ حاصل کیا۔
مجموعی طور پر حارث رؤف یہ ریکارڈ حاصل کرنے والے دنیا کے تیسرے بالر ہیں۔ حارث رؤف سے قبل افغانستان کے راشد خان 53 میچوں کے ساتھ پہلے نمبر پر، جبکہ سری لنکا کے وانندو حاسرنگا 63 میچوں میں 100 وکٹیں لے کر دوسرے نمبر پر ہیں ۔
تیس سالہ پاکستانی فاسٹ بالر حارث رؤف 100 وکٹیں لینے والے دوسرے پاکستانی بالر بن گئے ہیں ۔ اس سے قبل شاداب خان ٹی ٹوینٹی انٹرنیشنل میں 100 وکٹیں لینے والے پہلے کھلاڑی ہیں۔
ٹیکنالوجی
ایلون مسک کی دولت میں ایک دن میں 16 ارب ڈالرز کی ریکارڈ کمی
ایلون مسک کی دولت میں 16 ارب ڈالرز کی کمی کے باوجود وہ اب بھی 232 ارب ڈالرز کے اثاثوں کے ساتھ دنیا کے امیر ترین شخص ہونے کا اعزاز برقرار رکھے ہوئے ہیں
![ایلون مسک کی دولت میں ایک دن میں 16 ارب ڈالرز کی ریکارڈ کمی](/media/112865/conversions/373258_9620223_updates-1280x720.jpg)
ٹیسلا ، اسپیس ایکس کے بانی اور ایکس(سابقہ ٹوئیٹر) کے مالک دنیا کے امیرترین شخص ایلون مسک کی دولت میں ایک دن میں 16 ارب ڈالرز کی کمی واقع ہوگئی۔
بین الاقوامی خبررساں ادارے کے مطابق ایلون مسک کی دولت میں کمی کی وجہ ان کی کمپنی ٹیسلا کے حصص کی قیمتوں میں کمی آنا ہے۔ وہ اس کمپنی کے 21 فیصد حصص کے مالک ہیں۔
ایلون مسک کی دولت میں 16 ارب ڈالرز کی کمی کے باوجود وہ اب بھی 232 ارب ڈالرز کے اثاثوں کے ساتھ دنیا کے امیر ترین شخص ہونے کا اعزاز برقرار رکھے ہوئے ہیں۔
دوسرے نمبر پر جیف بیزوس ہیں جو 204 ارب ڈالرز کے مالک ہیں۔فرانس کے برنارڈ 187 ارب ڈالرز کے ساتھ تیسرے نمبر پر ہیں۔
فیس بک کے مالک مارک زکربرگ 165 ارب ڈالرز کے ساتھ چوتھے اور مائیکروسافٹ کے بانی بل گیٹس 157 ارب ڈالرز کے ساتھ پانچویں امیر ترین شخص ہیں۔
علاقائی
خواتین کا تحفط مریم نواز کی اولین ترجیح ہے ، حنا پر ویز بٹ
چیئرپرسن پنجاب ویمن پروٹیکشن اتھارٹی نے تحفظ مرکز کا بھی دورہ کیا اور خواتین کو تحفظ فراہم کرنے کے حوالے سے کئے گئے انتظامات کا جائزہ لیا
![خواتین کا تحفط مریم نواز کی اولین ترجیح ہے ، حنا پر ویز بٹ](/media/112882/conversions/maryam-nawaz-2-1280x720.jpg)
چیئرپرسن پنجاب ویمن پروٹیکشن اتھارٹی حنا پرویز بٹ نے کہا ہے کہ وزیراعلیٰ پنجاب مریم نواز شریف کی اولین ترجیح خواتین کے حقوق کا تحفظ کرنا ہے ،انسداد تشدد اقدامات یقینی بنانے کے لئے عملی کام کر رہے ہیں،خواتین معاشرے کا اہم حصہ ہیں اور زندگی کے ہر میدان میں خواتین کی شمولیت و کردار کے بغیر ترقی ممکن نہیں، خواتین کو مکمل قانونی تحفظ اور آزادی کے ساتھ معاشرے میں اپنا کردار ادا کرنے کا حق حاصل ہے، تشدد اور زیادتی کی شکار خواتین کو ڈسٹرکٹ ویمن پروٹیکشن سنٹر میں مکمل تحفظ فراہم کیا جاتا ہے۔
ان خیالات کا اظہار انہوں نے جمعہ کو راولپنڈی میں صحافیوں سے گفتگو کرتے ہوئے کیا۔قبل ازیں انہوں نے پولیس لائن راولپنڈی کے کمانڈ اینڈ کنٹرول روم میں قائم ویمن کاؤنٹر، تحفظ مرکز اور ڈسٹرکٹ ویمن پروٹیکشن سنٹر، سوشل ویلفیئر کمپلیکس شمس آباد کا تفصیلی دورہ کیا۔
ایس پی ہیڈ کوارٹر بینش فاطمہ نے چیئرپرسن پنجاب ویمن پروٹیکشن اتھارٹی کو پولیس لائن راولپنڈی کے کمانڈ اینڈ کنٹرول روم میں ویمن پروٹیکشن کے حوالے سے قائم کاؤنٹر، شکایت سیل اور ورچوئل ویمن پولیس سٹیشن کے حوالے سے بریفنگ دی۔ انہوں نے بریفنگ میں بتایا کہ خواتین کی شکایات کا نہ صرف ازالہ کیا جاتا ہے بلکہ انہیں تحفظ بھی فراہم کیا جاتا ہے۔ چیئرپرسن پنجاب ویمن پروٹیکشن اتھارٹی نے تحفظ مرکز کا بھی دورہ کیا اور خواتین کو تحفظ فراہم کرنے کے حوالے سے کئے گئے انتظامات کا جائزہ لیا۔
بعد ازاں چیئرپرسن پنجاب ویمن پروٹیکشن اتھارٹی نے ڈسٹرکٹ ویمن پروٹیکشن سنٹر، سوشل ویلفیئر کمپلیکس شمس آباد کا دورہ کیا اور خواتین کے تحفظ کے لئے اٹھائے جانے والے اقدامات کا تفصیلی جائزہ لیا۔حنا پرویز بٹ نے کہا کہ پنجاب بھر کی طرح راولپنڈی میں پنجاب ویمن پروٹیکشن اتھارٹی بروقت خواتین کے تحفظ کے لئے سرگرم ہے،ورچوئل ویمن پولیس سٹیشن خواتین کو تحفظ فراہم کرنے کے لئے ہمہ وقت کام کرتے ہیں۔
پاکستان
ملک میں نئے الیکشن کی کوئی ضرورت نہیں، حافظ نعیم
حافظ نعیم نے کہا کہ ایسی صورت میں جب فارم 45 جیسے شواہد موجود ہیں نئے انتخابات کی بات کرنے والا چاہیے وہ ن لیگ کا ہو
![ملک میں نئے الیکشن کی کوئی ضرورت نہیں، حافظ نعیم](/media/112884/conversions/hafiz-naeem-3-696x342-1280x720.jpg)
راولپنڈی: جماعت اسلامی کے امیر حافظ نعیم نے کہا ہے کہ ملک میں نئے الیکشن کی کوئی ضرورت نہیں اور یہ مطالبہ کرنے والا کسی کا ایجنٹ تو ہوسکتا ہے مگر ملک سے وفادار نہیں ہوسکتا۔
راولپنڈی کے لیاقت باغ میں جماعت اسلامی کے دھرنے سے خطاب کرتے ہوئے حافظ نعیم نے کہا کہ ملک میں فارم 47 والوں کو مسلط کردیا گیا ہے جس کے باعث حالات بہت خراب ہیں، بجلی کے بلوں کی وجہ سے آج بھائی بھائی کو قتل کررہا ہے۔
انہوں نے کہا کہ ملک میں نئے انتخابات کی بات ہورہی ہے مگر ہم اس کی مخالفت کرتے ہیں اور مطالبہ کرتے ہیں کہ جب فارم 45 موجود ہیں تو اس کے مطابق جس کو مینڈیٹ ملا اُسے حکومت دی جائے۔
انہوں نے کہا کہ اس وقت فارم جب فارم 45 موجود ہیں تو اُس بنیاد پر جوڈیشل کمیشن بنایا جائے اور جسے مینڈیٹ عوام نے دیا اُسے حکومت دی جائے اور فارم 47 کے ذریعے مسلط کردہ لوگوں کو ہٹایا جائے۔
حافظ نعیم نے کہا کہ ایسی صورت میں جب فارم 45 جیسے شواہد موجود ہیں نئے انتخابات کی بات کرنے والا چاہیے وہ ن لیگ کا ہو، پی پی کا یا پھر پی ٹی آئی وہ ایجنٹ ہوسکتا ہے اور ملک سے وفادار نہیں ہوسکتا کیونکہ نئے الیکشن میں پھر سے بندر بانٹ ہوگی اور پھر شور مچانے والے بھی اپنا شیئر مانگیں گے۔
-
تجارت ایک دن پہلے
درآمدی موبائل فونز پر ٹیکس عائد، مہنگے ہو نے کا امکان
-
پاکستان ایک دن پہلے
چیف جسٹس قاضی فائز ہمارے مقدمات نہ سنیں، عمران خان نے ججز کمیٹی میں درخواست دائر کر دی
-
دنیا 2 دن پہلے
سابق برطانوی وزیرعظم رشی سونک نے پارٹی عہدے سے استعفیٰ دیدیا
-
تجارت 2 دن پہلے
حکومت کا پٹرولیم مصنوعات کی قیمتوں کی ذمہ داری سے نکلنے کا فیصلہ
-
علاقائی 2 دن پہلے
سندھ میں اسکولز کے بعد کالجز کی تعطیلات میں بھی اضافہ
-
پاکستان 2 دن پہلے
26 جولائی کو مہنگائی کے خلاف اسلام آباد میں دھرنا دیں گے ، نائب امیر جماعت اسلامی
-
تجارت ایک دن پہلے
ملک میں سونے کی قیمت میں ہزاروں روپے کی کمی
-
تجارت ایک دن پہلے
بجلی کے بلوں میں 2 روپے 63 پیسے فی یونٹ اضافے کا امکان