سندھ میں میٹرک اور انٹر کے امتحانات کے شیڈول کا اعلان

تفصیلات کے مطابق    محکمہ کالج ایجوکیشن نے امتحانات کا شیڈول کا نوٹیفکیشن جاری کردیا ہے، میٹرک کے امتحانات کا انعقاد 5 جولائی اور بارہویں جماعت کے امتحانات کا آغاز 26 جولائی سے ہوگا، گیارہویں جماعت کےامتحانات بارہویں جماعت کےامتحان مکمل ہونے کے بعد شروع ہونگے،کراچی: صرف اختیاری مضامین کےامتحانات لیے جائیں گےاور تعلیمی بورڈز کے تحت امتحانات 60فیصد سلیبس پر ہونگے۔

نوٹیفکیشن کے مطابق   امتحانی پرچے میں 50فیصد معروضی سوالات تیس فیصد چھوٹے اور 20فیصد بڑےسوالات پر مشتمل ہونگے،  پرچہ کا دورانیہ 2 گھنٹے کا ہوگا۔  تدریسی و غیر تدریسی عملے کیلے کورونا ویکسین لازمی قرار دیا گیا ہے۔

گزشتہ روز  فیڈرل بورڈ آف انٹرمیڈیٹ اینڈ سیکنڈری ایجوکیشن نے میٹرک اور انٹر میڈیٹ کے سالانہ امتحانات کی تاریخوں کا اعلان  کیا تھا،جس میں کہا گیا تھا کہ  بارہویں کلاس کے امتحانات 10 جولائی سے 31 جولائی تک ہوں گے،  دسویں کلاس کے امتحانات 12 جولائی سے 30 جولائی تک ہوں گے اور  امتحانات صرف اختیاری مضامین کے ہوں گے۔رواں سال بچوں کے پریکٹیکل نہیں ہوں گے، نویں اور گیارہویں کلاس کے امتحانات اگست میں ہوں گے۔