ٹی 20 ورلڈ کپ: سری لنکا نے نیدر لینڈ کو 83 رنز سے ہرا دیا

آئی سی سی ٹی 20ورلڈ کپ کے گروپ میچ میں سری لنکا نے نیدرلینڈز کو 83 رنز سے ہرا دیا۔

نیدرلینڈز نے سری لنکا کے خلاف ٹاس جیت کر پہلے فیلڈنگ کا فیصلہ کیا تھا جس پر سری لنکا کی ٹیم نے مقررہ اوورز میں 6 وکٹ پر 201 رنز بنائے۔

بعدازاں ہدف کا تعاقب کرتے ہوئے نیدرلینڈز کی ٹیم 16.4 اوورز میں 118 رنز بنا کر آؤٹ ہوگئی۔

سری لنکا پہلے ہی ٹورنامنٹ سے باہر ہوچکا ہے اور اس کے لیے آج کا میچ محض رسمی کارروائی تھا۔

یاد رہے کہ اس گروپ سے جنوبی افریقا اور بنگلادیش نے اگلے مرحلے کے لیے کوالیفائی کرلیا ہے۔