پاکستان سٹاک مارکیٹ میں نیا ریکارڈ، انڈیکس 80 ہزار پوائنس عبور کر گیا

پاکستان سٹاک مارکیٹ نے نیا ریکارڈ قائم کر دیا، انڈیکس تاریخ کی بلند ترین سطح پر پہنچ گیا۔ 100 انڈیکس نے 80 ہزار کی نفسیاتی حد عبور کر لی۔

عید کے بعد مسلسل دوسرے کاروباری روز پاکستان سٹاک ایکسچینج کے 100 انڈیکس میں زبردست تیزی دیکھنے میں آ رہی ہے۔

آج بھی کاروبار کے آغاز سے ہی 100 انڈیکس میں اضافہ دیکھنے میں آیا اور ایک موقع پر انڈیکس 1199 پوائنٹس کے اضافے کے بعد 80001 پر ٹریڈ کرتا دیکھا گیا۔

یاد رہے کہ عید کے بعد پہلے کاروباری روز بھی پاکستان اسٹاک ایکسچینج کا100 انڈیکس 2 ہزار 95 پوائنٹس کے اضافے سے 78 ہزار 802 پوائنٹس پر بند ہوا تھا۔