ٹی 20 ورلڈ کپ: آسٹریلیا نے بنگلہ دیش کو 28 رنز سے شکست دے دی

آئی سی سی ٹی 20ورلڈ کپ کے سپر ایٹ مرحلے میں آسٹریلیا نے بنگلہ دیش کو ڈی ایل ایس میتھڈ کے تحت 28 رنز سے شکست دے دی۔

تفصیلات کے مطابق آسٹریلیا نے بنگلہ دیش کے خلاف ٹاس جیت کر پہلے بولنگ کرنے کا فیصلہ کیا ،بنگلہ دیشی ٹیم 8 وکٹوں کے نقصان پر 140 رنز بنا سکی۔

آسٹریلیا کے پیٹ کمنز نے 3، ایڈم زیمپا نے 2 اور مچل اسٹارک، اسٹوئنس اور گلین میکس ویل نے ایک، ایک وکٹ حاصل کی۔

ہدف کے تعاقب میں آسٹریلوی ٹیم کی جانب سے ٹریوس ہیڈ نے 31 رنز جبکہ کپتان مچل مارش صرف 1 رن کے مہمان ثابت ہوئے، اوپننگ بیٹر ڈیوڈ وارنز 35 گیندوں میں 5 چوکوں اور 3 چھکوں کی مدد سے 53 رز کے ساتھ ناقابل شکست رہے اور ان کے ساتھ گلین میکسول 14 رنز کے ساتھ ناٹ آؤٹ رہے۔

یوں آسٹریلوی ٹیم نے 2 وکٹوں کے نقصان پر 100 رنز بنائے مگر بارش کی آنکھ مچولی کے باعث میچ ڈک ورتھ لوئس میتھڈ کے تحت آسٹریلیا نے 28 رنز سے اپنے نام کرلیا۔