پنجاب حکومت کا ڈیجیٹل سکول آن ویل پراجیکٹ لانچ کرنے کا فیصلہ

پنجاب حکومت نے ڈیجیٹل سکول آن ویل پراجیکٹ لانچ کرنے کا اصولی فیصلہ کرلیا گیا۔

وزیراعلیٰپنجاب مریم نواز سے آئی ٹی کمپنیوں کے وفود نے ملاقات کی جس میں پنجاب میں ڈیجیٹل سکول آن ویل پراجیکٹ لانچ کرنے کا فیصلہ کیا گیا۔

ذرائع کے مطابق پراجیکٹ کے تحت سرکاری سکولوں کے ایک ہزار اساتذہ کو فری ڈیجیٹل کورس کرائے جائیں گے جبکہ جامعات کے 15 ہزارطلبہ کے لیے مفت سرٹیفکیشن کورسز کے لیے گوگل فار ایجوکیشن مدد کرے گا۔

مریم نواز کو بریفنگ میں بتایا گیا کہ یونیورسٹی طلبہ کو اینٹی وائرس اور آرٹیفیشل انٹیلی جنس و دیگر کورسز کرائے جائیں گے، سکول آن ویل کے دو پائلٹ پراجیکٹ چند ہفتوں میں لانچ کر دیئے جائیں گے۔

وزیراعلیٰ پنجاب کا کہنا تھا کہ نظامِ تعلیم میں خامیوں کا تعین کر کے بہتری کیلئے کوشاں ہیں، ایجوکیشن سسٹم  میں ازسرِ نو تعمیر کیے بغیر مثبت تبدیلی ممکن نہیں۔

مریم نواز نے مزید کہا کہ کروم بکس کی مقامی سطح پر اسمبلنگ میں بھرپور معاونت کریں گے۔

وزیرِ اعلی پنجاب مریم نواز نے گوگل کی ٹیم کو حکومت کے آئی ٹی اقدامات سے بھی آگاہ کیا۔