پاکستان
قومی اسمبلی میں امریکی ایوان نمائندگان کی قرار داد کے خلاف قرار داد منظور
قومی اسمبلی میں اپوزیشن ارکان پر تنقید کرتے ہوئے کہا گیا کہ اپوزیشن ارکان پاکستان کے انرونی معاملات میں مداخلت کی حوصلہ افزائی کر کے پاکستان کی خود مختاری کو خطرے میں ڈال رہے ہیں
قومی اسمبلی میں اجلاس کے دوران حکومت کی جانب سے قرار داد پیش کی گئی، جس میں امریکی ایوان میں پاکستان کے حوالے سے پیش کی گئی نان بائنڈنگ قرار داد کے متن کو یکسر مسترد کر دیا گیا۔
خاتون رکن اسمبلی شائستہ پرویز ملک نے قومی اسمبلی میں قرارداد پیش کی، جس میں امریکی ایوان نمائندگان کی قرار داد کی مذمت کی گئی۔ شائستہ پرویز ملک کی جانب سے مؤقف اختیار کیا گیا کہ پاکستان کے حالیہ الیکشنز میں کروڑوں لوگوں نے ووٹ دے کر اپنا رائے دہی کا حق استعمال کیا۔ امریکی قرار داد نان بائنڈنگ ہونے کے باوجود پاکستان کے اندرونی معاملات میں مداخلت ہے۔
قرار داد میں کہا گیا کہ دوسرے ممالک کے اندرونی معاملات میں مداخلت کرنے کے بجائے امریکہ اور عالمی برادری کشمیر اورغزہ میں جاری مظالم کانوٹس لے۔
قومی اسمبلی میں اپوزیشن ارکان پر تنقید کرتے ہوئے کہا گیا کہ اپوزیشن ارکان پاکستان کے انرونی معاملات میں مداخلت کی حوصلہ افزائی کر کے پاکستان کی خود مختاری کو خطرے میں ڈال رہے ہیں۔
قومی اسمبلی میں پیش کی گئی قرار داد میں کہا گیا کہ پاکستان امریکہ کے ساتھ برابری کی سطح پر دو طرفہ تعلقات چاہتا ہے۔ عالمی طاقتوں کو زیب نہیں دیتا کہ وہ کسی ملک کے اندرونی معاملات میں مداخلت کریں ۔
یاد رہے کہ 25 جون کو امریکی ایوان میں ایک قرارداد پیش کی گئی جس میں پاکستان میں انسانی حقوق کی پامالیوں پر تشویش کا اظہار کیا گیا۔
پاکستان
اسلام آباد سےڈی آئی خان کےدرمیان فضائی روٹ عارضی طور پر بند
جیکب آباد ایئرپورٹ پر سول طیاروِں کے لیے پابندی جون 2025 تک ہوگی
اسلام آباد سےڈی آئی خان کےدرمیان فضائی روٹ عارضی طور پر بند کرنےکافیصلہ کیا گیا ہے۔
تفصیلات کےمطابق جیکب آباد ایئرپورٹ پر سول طیاروِں کے لیے پابندی جون 2025 تک ہوگی،روٹ نمبرجے183کی بندش یکم جولائی تای کم دسمبر2024 تک کےلئےہوگی۔
دونوں ایئرپورٹس پربندش کے حوالے سے ایرٹریفک کنٹرول کوآگاہ کردیاگیا، دونوں ایئر پورٹس کی بندش کے حوالے سے نوٹیم جاری کر دیے گئے۔
کھیل
بھارتی کرکٹر ویندرا جڈیجا کا ٹی ٹو ےنٹی ورلڈ کپ سے ریٹا ئرمنٹ کا اعلان
17 سال بعد ٹی ٹوئنٹی کا عالمی چیمپئن بننے کے بعد بھارتی ٹیم کے سینئر کھلاڑیوں کی ریٹائرمنٹ کا سلسلہ جاری ہے، سب سے پہلے ویرات کوہلی نے مختصر فارمیٹ سے ریٹائرمنٹ کا اعلان کیا
بھارتی ٹیم کے آل راؤنڈررویندرا جڈیجا نے بھی ٹی ٹوئنٹی انٹرنیشنل سے ریٹائرمنٹ کااعلان کردیا۔
17 سال بعد ٹی ٹوئنٹی کا عالمی چیمپئن بننے کے بعد بھارتی ٹیم کے سینئر کھلاڑیوں کی ریٹائرمنٹ کا سلسلہ جاری ہے، سب سے پہلے ویرات کوہلی نے مختصر فارمیٹ سے ریٹائرمنٹ کا اعلان کیا۔
بعد ازاں، بھارت کو چیمپئن بنوانے والے کپتان روہت شرما نے بھی پریس کانفرنس کے دوران جنوبی افریقہ کے خلاف فائنل کو اپنا آخری میچ قرار دیتے ہوئے ٹی ٹوئنٹی انٹرنیشنل کو الوداع کہہ دیا۔
اب بھارتی ٹیم کے آل راؤنڈر رویندرا جڈیجا کی جانب سے سوشل میڈیا پر ریٹائرمنٹ کا اعلان کیا گیا ہے، اپنے مختصر پوسٹ میں انہوں نے کہا کہ ہمیشہ بہترین کھیل پیش کرنے کی کوشش کی ہے۔
واضح رہے کہ امریکا اور ویسٹ انڈیز میں ہونے والے ٹی ٹوئنٹی ورلڈکپ میں بھارت کے تقریباً تمام کھلاڑیوں نے ہر میچ میں جیت میں اہم کردار ادا کیا لیکن اس ایونٹ میں جڈیجا آف کلر دکھائی دیے اور انہوں نے کسی ایک میچ میں بھی بولنگ اور بیٹنگ میں اچھی کارکردگی نہیں دکھائی۔
ٹیکنالوجی
نظام شمسی کے ساتویں سیارے پر خلائی جہاز بھیجنا میرا سب سے بڑا خواب ہے ، ایلو ن مسک
ایلون مسک کے مطابق ان کا بھیجا گیا سیٹلائٹ نظام شمسی کے ستاروں اور سیاروں سے گزرتے ہوئے اس دہائی کے آخر تک مارس پر پہنچے گا
ایلون مسک نے نظام شمسی کے ساتویں سیارے پر خلائی جہاز بھیجنے کو اپنا سب سے بڑا خواب قرار دیا ہے۔
سماجی رابطے کی ویب سائٹ ٹویٹر(ایکس) کے مالک ایلون مسک نے ٹویٹ کرتے ہوئے بتایا کہ ان کا سب سے بڑا خواب یہ ہے کہ وہ یورینس پر اپنا خلائی جہاز بھیجیں۔
Our greatest dream is to send a spaceship to Uranus
— Elon Musk (@elonmusk) June 30, 2024
ناسا کے مطابق یورینس ہمارے نظام شمسی کا ساتواں سیارہ ہے جو سورج کے گرد اپنے مدار میں گردش کر رہا ہے۔
واضح رہے کہ ایلون مسک اسپیس ایکس نامی اپنی سپیس کمپنی سے مارس پر خلائی جہاز بھیجنے کی تین کوششیں کر چکے ہیں۔ پہلی دو کوششوں کی ناکامی کے بعد بالآخر مارچ 2024 میں ان کا اب تک کا کامیاب تجربہ جاری ہے۔ ایلون مسک کے مطابق ان کا بھیجا گیا سیٹلائٹ نظام شمسی کے ستاروں اور سیاروں سے گزرتے ہوئے اس دہائی کے آخر تک مارس پر پہنچے گا۔
-
پاکستان 2 دن پہلے
اپنی مرضی سے استعفیٰ دیا ، واپس نہیں لوں گا ، عمر ایوب
-
دنیا 2 دن پہلے
ساؤتھ امریکی ملک پیرو میں 7.2 شدت کا زلزلہ
-
تجارت 2 گھنٹے پہلے
آل پاکستان انجمن تاجران کا بجلی کے بلوں میں اضافے کے خلاف احتجاج کا اعلان
-
پاکستان ایک دن پہلے
تحریک انصاف کے ایک اور بڑے پارٹی رہنما نے استعفیٰ دیدیا
-
پاکستان 10 گھنٹے پہلے
پی آئی اے کا عمرہ زائرین کے لئے کرایوں میں کمی کا اعلان
-
کھیل 5 گھنٹے پہلے
بھارتی کرکٹر ویندرا جڈیجا کا ٹی ٹو ےنٹی ورلڈ کپ سے ریٹا ئرمنٹ کا اعلان
-
علاقائی 14 گھنٹے پہلے
پنجاب حکومت نے احسن اقدام ، سیاحوں کیلئے ٹورسٹ ٹرین پراجیکٹ کی منظوری
-
کھیل ایک دن پہلے
ویرات کوہلی کا ٹی ٹوئنٹی کرکٹ سے ریٹا ئرمنٹ کا اعلان