اپوزیشن کے گرینڈ الائنس کے لیے اسٹیئرنگ کمیٹی تشکیل دینے کا فیصلہ کرلیا گیا ہے۔

میڈیا رپورٹس کے مطابق اسٹیئرنگ کمیٹی پی ٹی آئی اور جے یو آئی کے ممکنہ اتحاد سے متعلق ٹی او آرز طے کرے گی۔اسٹیئرنگ کمیٹی کے لیے 5 نام پاکستان تحریک انصاف اور 5 نام جمعیت علمائے اسلام  سے جانب سے دیے جائیں گے۔

ذرائع کے مطابق اسٹیئرنگ کمیٹی ممکنہ احتجاج سے متعلق حکمت عملی طے کرے گی۔اسٹیئرنگ کمیٹی کے لیے ناموں کا تبادلہ رواں ہفتے تحریک تحفظ آئین اور جے یو آئی کے درمیان ہوگا، تحریک انصاف کا وفد رواں ہفتے مولانا فضل الرحمان سے ملاقات بھی کرے گا۔

ذرائع کے مطابق اسٹیئرنگ کمیٹی مقررہ ٹائم فریم میں اپنی رپورٹ مرکزی قیادت کو پیش کرے گی۔

بھارتی کرکٹ بورڈ کی بارباڈوس سے بھارتی کھلاڑیوں کو بذریعہ چارٹرڈ فلائٹ ملک واپس لانے کی تیاری شروع کردی ۔ 

تفصیلات کے مطابق بارباڈوس کے ساحل پر کیٹیگری 4 کے لیول کے طوفان ٹکرانے کے امکانات ہیں، جس کی بدولت ممکنہ طوفان کے پیش نظر بارباڈوس سے اڑنے والی تمام فلائٹس کینسل کر دی گئیں۔ 
بارباڈوس میں موجود بھارتی کرکٹ ٹیم ایک ہوٹل میں محصور ہو کر رہ گئی ہے، جہاں پر ہوٹل سٹاف کی بھی کمی ہے۔ بارباڈوس کی موسمیاتی صورتحال کے پیش نظر لوگ باہر نکلنے سے اجتناب کر رہے ہیں۔ 
 ذرائع کے مطابق بھارتی کرکٹ بورڈ اپنے ملک کی مینز کرکٹ ٹیم کو بذریعہ چارٹرڈ فلائٹ بھارت واپسی لانے کے لیے کوششیں  کر رہی ہے۔ موسم کی خرابی کی بدولت کسی بھی فلائٹ کا اڑنا بظاہر ناممکن لگ رہا ہے، مگر بھارتی کرکٹ بورڈ کی اپنی ٹیم کو وطن واپس لانے کے لیے بھر پور کوششیں جاری ہیں۔  
واضح رہے کہ بھارتی کرکٹ ٹیم حالیہ ورلڈ کپ 2024 کو جیتنے کے بعد اپنے ملک واپس آرہی ہے۔ بھارتی کرکٹ ٹیم نے کپتان روہت شرما کی سربراہی میں بہترین کارکردگی کا مظاہرہ کرتے ہوئے آئی سی سی ورلڈ کپ 2024 کی ٹرافی کو اپنے نام کر لیا۔

آسٹریلیا میں مقیم سابق افغانی کرکٹ ٹیم کی خاتون کھلاڑیوں نے آئی سی سی کے نام خط لکھ کر افغانی نژاد خواتین کی کرکٹ کی ٹیم بنانے کی درخواست کی۔ 
آئی سی سی چیئرمین گریگ بارلے کے نام لکھے گئے خط میں دعویٰ کیا گیا کہ جس طرح افغانی مینز ٹیم نے حالیہ ورلڈ کپ 2024 میں بہترین کارکردگی کا مظاہرہ کیا، اسی طرح افغانی خواتین بھی کرکٹ کے میدان میں بھر پور کارکردگی دکھانے کا جزبہ رکھتی ہیں۔ 
خط میں مطالبہ کیا گیا کہ افغانی پناہ گزینوں پر مشتمل خواتین کی ایک کرکٹ ٹیم بنانے کے لیے آئی سی سی فنڈز کی فراہمی کرے، تا کہ کرکٹ کھیلنے میں دلچسپی رکھنے والی افغانی خواتین کو پیشہ ورانہ تربیت دی جا سکے۔ 
افغانی نژاد آسٹریلوی کرکٹ پلیئرز کی جانب سے لکھے گئے خط میں دعویٰ کیا گیا کہ افغانی پناہ گزینوں کی ویمنز کرکٹ ٹیم بنانے سے نہ صرف خواتین کو ایک بہتر زندگی گزارنے کے موقعے ملیں گے، بلکہ وہ اپنے ملک اور مسائل کی بہتر طور پر نمائندگی بھی کر سکیں گی۔