بھکر : وین اور ٹرک میں تصادم ، 5 افراد جاں بحق، 13 زخمی

بھکر کے قریب وین اور ٹرک میں تصادم ہوا جس کے نتیجے میں 5 افراد جاں بحق اور 13 افراد زخمی ہو گئے۔

تفصیلات کے مطابق حادثے کا شکار ہونے والی مسافر وین میانوالی سے جھنگ جارہی تھی جہاں ناصر آباد کے مقام پر وین اور ٹرک میں تصادم ہوا جس سے وین میں سوار 5 افراد جاں بحق اور 7 زخمی ہوگئے۔

ریسکیو ذرائع کے مطابق حادثے میں چار مرد و خواتین سمیت پانچ افراد موقع پر ہی جاں بحق ہو گئے۔ ریسکیو 1122 کی ٹیمیں موقع پر پہنچ گئیں زخمیوں کو طبی امداد کیلئے ٹی ایچ کیو اسپتال منکیرہ منتقل کر دیا گیا۔

کیری ڈبہ میں سوار افراد میانوالی سے فیصل آباد اپنے ایک عزیز کی تدفین کے لئے جا رہے تھے کہ حادثے کا شکار ہو گئے، ریسکیو ٹیموں نے شہ زور (ڈالا) اور کیری ڈبہ میں پھنسے مسافروں کو گاڑی کاٹ کر نکالا۔

عینی شاہدین کا کہنا تھا کہ حادثہ ڈرائیور کو نیند آنے سے پیش آیا، ان کا کہنا تھا کہ کیری ڈبہ بے قابو ہونے کی وجہ سے سامنے آ نے والے شاہ زور سے جا ٹکرایا، شہ زور ڈالا ڈرائیور بھی موقع پر جاں بحق ہو گیا۔

بھکر میں ہونے والے حادثے کے بارے ریسکیو ذرائع کا کہنا ہے کہ  زخمیوں میں خواتین اور بچے بھی شامل ہیں۔