پی آئی اے نے گرمیوں کی چھٹیوں کیلئے خصوصی کرایہ متعارف کروا دیا

تفصیلات کے مطابق پاکستان انٹرنیشنل ایئرلائنز  (پی آئی اے) نے گرمیوں کی چھٹیوں کیلئے خصوصی کرایہ متعارف کروا دیا ہے۔ترجمان پی آئی اے  کا کہنا ہے کہ  پی آئی اے نے اپنے کرایوں میں 40 فیصد تک کمی کردی ، کراچی اور اسلام آباد، کراچی اور لاہور  کراچی اور پشاور کے مابین یک طرفہ کرایہ صرف چھ ہزار 9 سو پچاس روپے مقرر کیا گیا ہے۔

گزشتہ روز پی آئی اے نے کورونا ویکسین لگوانے والوں کو کرائے میں رعایت دینے کا اعلان کیا تھا،  قومی ایئرلائن کے ترجمان نے بتایا تھا کہ 50 برس یا اس سے زائد عمر کے افراد کو کورونا ویکسین سرٹیفکیٹ دکھانے پر کرائے میں 10 فیصد رعایت دی جائے گی۔

پی آئی اے کے مطابق 50 برس یا اس سے زائد عمر کے افراد کے لیے رعایتی ٹکٹوں کا اعلان کورونا ویکسینیشن کے فروغ کےلیے کیا گیا ہے۔

قومی ایئرلائن کے حکام کا کہنا تھا کہ کرائے کی مد میں 10 فیصد رعایت اندرون ملک پروازوں پر دی جائے گی۔ترجمان کے مطابق مذکورہ سہولت صرف کورونا ویکسین کا سرٹیفکیٹ دکھانے والوں کو حاصل ہوگی اور ٹکٹوں میں رعایت کا فیصلہ آج (10 جون) سے نافذ العمل ہوگیا ہے۔