پاکستان میں نیٹ فلکس کی سبسکرپشن پر بھی ٹیکس عائد 

پاکستان میں جہاں روٹی سے لے کر سواری تک ہر چیز ٹیکسز کی نذر ہو رہی ہے، وہاں اب فلمیں اور ڈرامے دیکھنے پر بھی عوام  ٹیکس ادا کرے گی۔ 
تفصیلات کے مطابق سندھ ریوینیو بورڈ کے عائد کیے کئے ٹیکسز کے بعد پاکستانی بنکوں نے آن لائن ویڈیو سٹریمنگ کی ویب سائٹ نیٹ فلکس کی سبسکرپشن پر بھی ٹیکس عائد کر دیا۔ 
ذرائع کے مطابق پاکستان میں موجود نیٹ فلکس کے صارفین کو بذریعہ ڈیبٹ کارڈ یا کریڈٹ کارڈ نیٹ فلکس کی سبسکرپشن لینے پر اب 3 فیصد سیلز ٹیکس دینا ہو گا۔ 
انٹرنیشنل ٹرانزیکشن کرنے پر ٹیکس فائلرز5 فیصد ایڈوانس ٹیکس سمیت 4 فیصد کارڈ ٹرانزیکشن فیس ادا کریں گے، جبکہ نان فائلرز پر عائد ایڈوانس ٹیکس کی شرح 10 فیصد ہو گی۔ 
دوسری جانب نیٹ فلکس نے اپنی ویب سائٹ پر واضح کر دیا کہ نیٹ فلکس کی سبسکرپشن کے پیسے صارفین کی علاقائی جغرافیہ اور ملکی قانون و ضوابط کے مطابق ہوں گے۔