کورونا مثبت مسافروں کی آمد ، سی اے اے کا انٹرنیشنل ایئرلائن کیخلاف کارروائی کا فیصلہ

تفصیلات کے مطابق  بیرون ممالک سے کورونا مثبت مسافروں کی آمد کا سلسلہ رک نا سکا ، فلائی دبئی کی پرواز ایف ایذ 329 کی کراچی جناح انٹر نیشنل ایئر پر پر آمد، فلائی دبئی کے مسافروں کے ریپڈ ٹیسٹ کے دوران مزید 7 مسافر کورونا مثبت نکلے۔

جی این این کے مطابق  کورونا مثبت سات مسافروں کو پہلے مرحلے میں جناح ایئر پورٹ پر کورنٹائن کیا گیا ، بعد ازاں کورونا مسافروں کو سرکاری ایمبولینس کے ذریعے کورنگی کورنٹائن سینٹر منتقل کیا گیا ہے۔

ترجمان سی اے اے کا کہنا ہے کہ  سی اے اے کی جانب سے بار بار وارننگ دیئے جانے کے باوجود فلائی دبئی خلاف ورزیوں کا سلسلہ جاری رکھے ہوئے ہے،اس سے قبل فلائی دبئی نے سیالکوٹ ایئر پورٹ پر بھی کورونا مثبت مسافروں کو پہنچایا تھا ، ایوی ایشن قوانین کی خلاف ورزی پر فلائی دبئی کے خلاف کارروائی کی جائے گی۔

خیال رہے کہ  کورونا مثبت مسافروں کی آمد کی شکایات موصول ہونے پر سی اے اے پہلے ہی 11 جون کو سیالکوٹ آنے والی پرواز کا خصوصی اجازت نامہ منسوخ کر چکی ہے۔