بھارتی معروف اداکار اکشے کمار کورونا کی لپیٹ میں ، امبانی خاندان کی شادی میں شرکت مشکوک

بھارتی معروف اداکار اکشے کمار کو کورونا ہو گیا، جس کے باعث اکشے کمار نے اپنی تمام تر مصروفیات ترک کر دیں۔ 
تفصیلات کے مطابق بھارتی اداکار اکشے کمار اپنی حالیہ جاری فلم ’’سرپھرا‘‘ کی پروموشنل سرگرمیوں میں مصروف تھے۔ دوران پروموشن، اکشے کمار کی طبیعت ناساز ہو گئی۔   
اکشے کمار کی فلم ’’سر پھرا‘‘ کی ٹیم کے کچھ ممبران میں کورونا کی تشخیص ہوئی، جس کے بعد اکشے کمار نے بھی اپنا کورونا ٹیسٹ کروانے کا فیصلہ کیا، جو کہ بد قسمتی سے مثبت نکل آیا۔ 
کوروںا پازیٹیو ہونے کے بعد اکشے کمار کو اپنی تمام تر سرگرمیاں ترک کر کے تنہائی اختیار کرنا پڑی۔ 
ذرائع کے مطابق اداکار اکشے کمار نے معروف بزنس مین مکیش امبانی کے بیٹے آننت امبانی کی شادی کی تقریب میں بھی شرکت کرنا تھی۔ 
کورونا کی تشخیص کے بعد اب اکشے کمار کی امبانی خاندان کی شادی میں شرکت بھی مشکوک ہو گئی ہے۔