یوم عاشور کی پاک و پاکیزہ یادوں کے ساتھ پاکستان کے صدر آصف علی زرداری اور وزیر اعظم شہباز شریف نے اس اہم موقع پر قوم کے نام خصوصی پیغامات جاری کیے ہیں۔

پاکستان کے صدر آصف علی زرداری نے کہا کہ یوم عاشور حضرت امام حسین ؓ کی شہادت کی یاد تازہ کرتا ہے۔ انہوں نے کہا کہ امام حسین ؓ اور ان کے وفادار ساتھیوں نے ظلم اور جبر کے خلاف دھڑکے اور اپنی جانوں کی قربانی دے کر حق کی آواز بلند کی۔

صدر مملکت کا کہنا تھا کہ حضرت امام حسین ؓ کی شہادت ہمیں آج بھی باطل اور ظلم کے خلاف ڈٹ جانے کا پیغام دیتی ہے۔

اسی طرح وزیر اعظم شہباز شریف نے اپنے پیغام میں کہا کہ یوم عاشور پر حضرت امام حسین ؓ نے حق اور باطل کی لڑائی میں جانوں کا نذرانہ دے کر حق کو فتح سے سرفراز کیا۔

شہباز شریف کا کہنا تھا کہ امام حسین ؓ نے کربلا کے میدان میں یزید کی جابرانہ حکومت کے خلاف جرات اور استقامت کے ساتھ اٹھ کھڑے ہوئے۔ امام حسین ؓ کی شہادت ہمیں آج بھی باطل اور ظلم کے خلاف ڈٹ جانے کی تلقین کرتی ہے۔

سری لنکا کے انڈر-19 ٹیم کے کپتان دھمیکا نروشنا کو رات گئے مبینہ طور پر گولی مار کر ہلاک کردیا گیا۔

میڈیا رپورٹس کے مطابق واقعہ سابق کرکٹر دھمیکا نروشنا کو انکی رہائشگاہ امبالنگوڈا میں کنڈا ماواتھا میں نشانہ بنایا گیا، جہاں وہ اپنی اہلیہ اور 2 بچوں کے ساتھ گھر میں موجود تھے۔نروشنا کو قتل کرنے والے شخص نے مبینہ طور پر 12 بور پستول کا استعمال کیا۔

دھمیکا نروشنا کو سری لنکا کے بہترین آل راؤنڈرز میں شمار کیا جاتا تھا، انہوں نے لنکن ٹائیگرز کے نامور کرکٹرز پرویز معروف، اینجلو میتھیوز، اپل تھرنگا جسے نامی کرکٹرز کیساتھ بھی کھیلا۔

نروشنا نے 20 سال کی عمر میں کھیل سے ریٹائرمنٹ کا اعلان کردیا تھا۔ نیروشنا نے 2001 سے 2004 کے درمیان گال کرکٹ کلب کیلئے 12 فرسٹ کلاس میچز اور 8 لسٹ اے میچز کھیلے، جس میں انہوں نے 300 سے زیادہ رنز بنائے اور 19 وکٹیں حاصل کیں۔انہوں نے 2000 میں سری لنکا کی انڈر 19 ٹیم کیلئے ڈیبیو کیا اور 2 سال کپتانی کے فرائض نبھائے۔

معاملے کی اطلاع ملتے ہی پولیس موقع پر پہنچ گئی اور لاش کو تحویل میں لے لیا گیا جبکہ ضابطے کی کارروائی عمل میں لائی جارہی ہے۔

ڈھاکہ: بنگلہ دیش میں سرکاری نوکریوں میں کوٹہ سسٹم کے خلاف طلبہ کے احتجاج میں 5 طلبہ جاں بحق ہو گئے جبکہ 100 سے زائد زخمی بھی ہوئے۔

تفصیلات کے مطابق کوٹہ مخالف مظاہرین اور وزیراعظم بنگلہ دیش کے حامی طلباء کے درمیان جھڑپیں ہوئیں جس میں 5 طلباء جاں بحق جبکہ درجنوں طلباء زخمی ہو گئے۔

غیر ملکی میڈیا رپورٹ کے مطابق سرکاری نوکریوں میں کوٹہ سسٹم ختم کرنے کیخلاف ہزاروں طلبا کا احتجاج تاحال جاری ہے، طلباء نے ملک کی بڑی شاہراہیں بھی بلاک کر دیں اور مطالبات کی منظوری تک احتجاج جاری رکھنے کا اعلان بھی کر رکھا ہے۔

بنگلا دیش میں سرکاری ملازمتوں کا 56 فیصد حصہ کوٹے میں چلا جاتا ہے جس میں سے 30 فیصد سرکاری نوکریاں 1971کی جنگ میں لڑنے والوں کے بچوں،10 فیصد خواتین اور 10فیصد مخصوص اضلاع کے رہائشیوں کے لیے مختص ہیں۔

طلباء کا مطالبہ ہے کہ سرکاری نوکریاں میرٹ پر دی جائیں اور صرف 6 فیصد کوٹہ جو اقلیتوں اور معذور افراد کے لئے مختص ہے اسے برقرار رکھا جائے۔بنگلا دیش میں سرکاری نوکریوں میں کوٹہ سسٹم 2018 میں ختم کردیا گیا تھا جس کے بعد ملک میں اسی طرح کے مظاہرے شروع ہوگئے تھے۔

دوسری جانب وزیر اعظم حسینہ واجد نے یہ کہتے ہوئے طلبہ کے مطالبات ماننے سے انکار کردیا ہے کہ معاملہ اب سپریم کورٹ میں ہے، انہوں نے کوٹہ سسٹم کے خلاف احتجاج کرنے والوں کو رضاکار قرار دیا۔خیال رہے کہ بنگلا دیش میں رضاکار کی اصطلاح 1971 کی جنگ میں پاکستانی فوج کا ساتھ دینے والوں کے لیے استعمال کی جاتی ہے۔