ملک کے مختلف علاقوں میں واٹس ایپ سروس ڈاؤن

اسلام آباد: ملک میں سوشل میڈیا ایپس  سست روی کا شکار ہیں، ایکس اور فیسبک کے بعد اب واٹس ایپ بھی ڈاؤن ہو گئی۔

ملک کے مختلف علاقوں میں واٹس ایپ سروس ڈاؤن ہوگئی،واٹس ایپ صارفین شدید مشکل کا شکار ہیں۔ صارفین کو واٹس ایپ پر تصاویر، ویڈیوز اور وائس میسجز ڈاؤنلوڈ ہونے میں رکاوٹ کا سامنا ہے جبکہ  پی ٹی اے کی جانب سے تاحال کوئی مؤقف سامنے نہیں آیا۔

یاد رہے کہ رواں ہفتہ فیسبک ایپلیکیشن بھی پاکستان کے مختلف علاقوں میں ڈاؤن رہی اور پاکستان میں ایکس ایپلیکیشن گزشتہ 6 ماہ سے ڈاؤن ہے۔