لاہور میں موسم ابر آلود، کہیں دھوپ اور کہیں بارش کا امکان

لاہور: صوبائی دارالحکومت لاہور میں دن بھر مطلع ابر آلود رہے گا، جب کہ بارش کا امکان بھی ظاہر کیا گیا ہے۔

محکمہ موسمیات کے مطابق صوبائی دارالحکومت لاہور میں آج  کم سے کم درجہ حرارت 28 ڈگری سینٹی گریڈ جبکہ زیادہ سے زیادہ 38 ڈگری سینٹی گریڈ رہنے کا امکان ہے۔

شہر میں ہوا کی رفتار 11 کلومیٹر فی گھنٹہ ریکارڈ کی گئی ہے جب کہ ہوا میں نمی کا تناسب 73 فیصد تک پہنچ گیا ہے۔

موسم کا حال بتانے والوں کا کہنا ہے کہ شہر میں آج بارش کا صرف 10 فیصد امکان ہے۔

دوسری جانب مون سون سیزن کے پیش نظر پراونشل ڈیزاسٹر مینجمنٹ اتھارٹی (پی ڈی ایم اے) نے بھی ضلعی انتظامیہ کو تمام حفاظتی اقدامات مکمل کرنے کا الرٹ جاری کردیا۔ شہریوں کو بارش کے دوران احتیاطی تدابیر پر عمل کرنے کی بھی ہدایت کی گئی ہے۔