وزیر اطلاعات کا اسلام آباد میں ڈیجیٹل کمیونیکشن سنٹر قائم کرنے کا اعلان

وزیر اطلاعات و نشریات عطا اللہ تارڑ نے پاک چین سنٹر اسلام آباد میں ڈیجیٹل کمیونیکشن سنٹر قائم کرنے کا اعلان کیا ہے۔

قومی اسمبلی کی مجلس قائمہ برائے اطلاعات و نشریات کے اجلاس میں اظہارخیال کرتے ہوئے انہوں نے اخباری صنعت کو مزید سہولتیں دینے کی یقین دہانی بھی کرائی۔

وزیر اطلاعات نے کہا کہ کسی بھی ٹی وی چینل کے اشتہارات روکے نہیں گئے اور تمام ٹی وی چینل اپنی ریٹننگ کی بنیاد پر اشتہارات لے رہے ہیں۔ انہوں نے کہا کہ انٹرنل پبلی سٹی ونگ نہ صرف غیر ملکی جریدوں کے معاملات نمٹاتا ہے بلکہ وہ عالمی برادری میں پاکستان کا اعتدال پسندانہ تشخص اجاگر کرنے میں بھی کردار ادا کرتا ہے۔