کراچی میں بگٹی قبیلے کے گروپوں میں فائرنگ، 5 افراد جاں بحق

کراچی: شہر قائد میں ایک واقعے میں بگٹی قبیلے کے دو گروپوں کے درمیان فائرنگ کا تبادلہ ہوا جس کے نتیجے میں 5 افراد جاں بحق اور 2 زخمی ہو گئے۔

پولیس کے مطابق یہ افسوسناک واقعہ ڈیفنس کے علاقے خیابان نشاط میں پیش آیا۔ دونوں گروپوں کے درمیان تنازع کے نتیجے میں فائرنگ شروع ہو گئی جس میں متعدد افراد نشانہ بنے۔

جاں بحق ہونے والوں میں میر میثم بگٹی، میر عیسیٰ بگٹی، علی، فہد بگٹی اور نصیب اللہ شامل ہیں۔ زخمیوں میں میر علی حیدر بگٹی اور قائم علی کو ہسپتال منتقل کیا گیا ہے۔ تمام لاشوں کا پوسٹ مارٹم مکمل کر لیا گیا ہے۔

#karachi #bugti #Tribes
CCTV footage of firing between 2 groups of Bugti tribe in DHA khayaban.e.nishat.. three double cabins can be seen while big weapons has been used. #CCTV@KarachiPolice_ @PakSarfrazbugti @SindhCMHouse pic.twitter.com/k3iRAuTNP1

— shahmir khan (@shahmir52_khan) July 26, 2024

پولیس کے مطابق یہ واقعہ دیرینہ دشمنی کا شاخسانہ ہے۔ ایڈیشنل آئی جی کا کہنا ہے کہ اس واقعے کی تفتیش کی جا رہی ہے اور ملوث افراد کو گرفتار کرنے کی کوششیں جاری ہیں۔

سندھ کے وزیر داخلہ نے اس واقعے کی شدید مذمت کرتے ہوئے ایڈیشنل آئی جی سے واقعے کی تفصیلات طلب کی ہیں۔ انہوں نے واضح کیا کہ کوئی بھی قانون سے بالا تر نہیں اور قانون کی رٹ کے قیام کے لیے ہر ممکن اقدامات کیے جائیں گے۔