کشمیریوں کی مزاحمت جاری، صرف دو ماہ کے دوران 11 بھارتی فوجی ہلاک

مقبوضہ کشمیر میں بھارتی فوج کی کارروائیوں اور کشمیری عوام کی مزاحمت نے تازہ ترین تفصیلات میں بھارت کے جھوٹے امن کے دعووں کا پردہ فاش کر دیا۔

کشمیری عوام کی مزاحمت میں صرف دو ماہ کے دوران 11 بھارتی فوجی ہلاک ہو چکے ہیں۔ اس دوران مودی سرکار اپنے کالے کرتوتوں کی دنیا کی نظریں ہٹانے کے لیے پاکستان پر الزام تراشیاں کر رہی ہے۔

مقبوضہ کشمیر میں بھارتی فوج کے مظالم کے خلاف کشمیری عوام کی مزاحمت جاری ہے۔ اطلاعات کے مطابق 16 جولائی کو مقبوضہ کشمیر کے علاقے ڈوڈا میں چار بھارتی فوجی ہلاک ہو گئے۔ اسی طرح، ضلع کٹھوعہ میں ہونے والے حملے کے بعد کارروائی میں پانچ بھارتی فوجی اہلکار ہلاک اور پانچ زخمی ہوئے۔

مزید برآں 27 جولائی کو ضلع کپواڑہ میں ایک بھارتی فوجی ہلاک اور ایک افسر سمیت چار فوجی زخمی ہوئے۔

مودی سرکار اپنی ناکامیوں کو چھپانے کے لیے پاکستان پر بے بنیاد الزام تراشیوں کا سہارا لے رہی ہے۔ اس کے علاوہ پلوامہ ڈرامہ کے الزام بھی پاکستان پر لگائے گئے تھے، جس کی تصدیق بھارتی سیاستدانوں نے خود کی کہ یہ مودی کی ایک بھونڈی سازش تھی، جس کا مقصد صرف اپنی سیاست چمکانا تھا۔