فہد ہارون کو معاون خصوصی برائے ڈیجیٹل میڈیا مقرر کر دیا گیا

اسلام آباد: فہد ہارون کو معاون خصوصی برائے ڈیجیٹل میڈیا مقرر کر دیاگیا ہے۔وزیراعظم شہباز شریف کی منظوری کے بعد کابینہ ڈویژن نے فہد ہارون کو معاون خصوصی برائے ڈیجیٹل میڈیا کے عہدے پر مقرر کرنے کا نوٹیفکیشن جاری کر دیا ہے۔

فہد ہارون نے پہلے بھی وزیراعظم کے معاون خصوصی کے طور پر خدمات انجام دیں ہیں، جب ان کا عہدہ وزیر مملکت کے برابر تھا۔ اس کے علاوہ، انہوں نے وزیراعلیٰ سندھ کے معاون خصوصی برائے میڈیا افیئرز کے طور پر بھی اہم کردار ادا کیا ہے۔

نئی تقرری کے بعد، فہد ہارون ڈیجیٹل میڈیا کے شعبے میں وزیراعظم کی پالیسیوں اور حکمت عملیوں کی نگرانی کریں گے اور ان کی مؤثر عمل درآمد کو یقینی بنائیں گے۔